2023 jyldyń 7 jeltoqsanynda Ulttyq statısıka búrosy Qazaqstanda qandaı kólikter jıi jalǵa beriletinin aıtty, dep habarlaıdy almaty-akshamy.kz.
Ulttyq statısıka búrosynyń Telegram-kanalynda jarıalanǵan aqparatqa sáıkes, aǵymdaǵy jyldyń qańtar-qyrkúıek aılarynda kólikti jalǵa berý salasynda kórsetilgen qyzmetterdiń kólemi óskenin kórsetti.
"Kólik túrleriniń ishinde jalǵa berý qyzmetiniń eń úlken kólemi júk kólikterine tıesili. Úsh toqsannyń qorytyndysy boıynsha júk kólikterin jalǵa berý kólemi 73,9 mlrd teńgeni qurady, bul ótken jyldyń sáıkes kezeńinen 47,7%-ǵa artyq", - delingen habarlamada.
Júk kóliginen keıin jeńil kólikter, qurylys jáne aýyl sharýashylyǵy kólikteri boldy:
- jeńil avtokólikterdi jalǵa berý kólemi 69,8 mlrd teńgege jetti (+11,2%);
- qurylys mashınalary men jabdyqtaryn jalǵa berý kólemi 42,7 mlrd teńgeni (+22%) qurady;
- aýyl sharýashylyǵy mashınalary men jabdyqtaryn jalǵa alý kólemi – 2 mlrd teńge (+69,5%).
2023 jyldyń 10 qarashasynda Memlekettik kirister komıteti Qazaqstanǵa qansha elektromobıl baj salyǵy men salyq tólemeı ákelingenin aıtty.