Qazaqstanda jaratylystaný-matematıkalyq baǵyttaǵy pánder boıynsha HİV Prezıdenttik olımpıadanyń respýblıkalyq kezeńi bastaldy
Bıyl mınıstrlik pen otandyq joǵary oqý oryndary arasynda qol jetkizilgen ýaǵdalastyqtyń nátıjesinde jeńimpazdar joǵary oqý oryndarynda oqýǵa arnalǵan bilim berý granttaryn jeńip ala alady. QR BǴM baspasóz qyzmetiniń málimetinshe, qorytyndy kezeń E.A. Bóketov atyndaǵy Qaraǵandy ýnıversıteti bazasynda ótip jatyr. Olımpıada 15 qarasha bastalyp, 18 qarashaǵa deıin jalǵasady, dep habarlaıdy Almaty-akshamy.kz
Zıatkerlik baıqaýda elimizdiń barlyq óńirinen 182 oqýshy baq synaıdy. Aıta keteıik, Prezıdenttik olımpıadaǵa 11 (12) synyp oqýshylary qatysady. Olarǵa tórt pán boıynsha – matematıka, fızıka, hımıa jáne bıologıadan tapsyrmalar beriledi.
«Biz oqýshylarymyzdy yntalandyrý jáne bolashaqta olar óz bilimderin halyqaralyq olımpıadalarda kórsete alýyna barynsha jaǵdaı jasaý úshin ártúrli deńgeıdegi (aýdandyq, qalalyq, oblystyq, respýblıkalyq) olımpıadalardy daıyndap, ótkizemiz. Prezıdenttik olımpıada úsh kezeńde ótedi. Atap aıtsaq, aımaqtyq, irikteý jáne respýblıkalyq kezeń. Prezıdenttik olımpıadanyń birinshi (óńirlik) kezeńi qyrkúıek aıynda ótti, oǵan respýblıkanyń barlyq óńirinen 3 myńnan astam oqýshy qatysty. Ekinshi kezeńge 396 oqýshy ótti. İrikteý kezeńi 22 qazanda bir mezgilde barlyq oblys ortalyǵynda jáne respýblıkalyq mańyzy bar qalalarda uıymdastyryldy. Osylaısha, qorytyndy respýblıkalyq kezeńge 182 oqýshy irikteldi. Prezıdenttik olımpıadanyń jeńimpazdary men júldegerleri QR BǴM-niń İ, İİ jáne İİİ dárejeli dıplomdarymen jáne medaldarmen marapattalady. Sondaı-aq biz olımpıada jeńimpazdary úshin bilim granttaryn bólýge daıyn ekendikterin bildirgen birneshe joǵary oqý ornymen kelisimge qol jetkizdik», – dep atap ótti «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshov.
Prezıdenttik olımpıadaǵa qatysýshylardyń jumysyn halyqaralyq olımpıadalardyń jeńimpazdary jáne júldegerleri, Qazaqstannyń jetekshi joǵary oqý oryndarynyń PhD doktorlary baǵalaıtyn bolady. Barynsha ashyqtyqty qamtamasyz etý úshin konkýrs onlaın túrde kórsetiledi. Beınetranslásıaǵa siltemeler http://daryn.kz «Daryn» RǴPO akkaýnttarynda usynylady. Esterińizge sala keteıik, jaratylystaný-matematıkalyq baǵyttaǵy pánder boıynsha Prezıdenttik olımpıada 2008 jyldan beri ótkizilip keledi. «Daryn» ortalyǵy jyl saıyn ótkizetin zıatkerlik baıqaý elimiz boıynsha daryndy oqýshylardy anyqtaýǵa jáne olardyń áleýetin iske asyrý barysynda qoldaý kórsetýge kómektesedi.