Almatyda avtobýstyń tóbesinde otshashýlar uıymdastyrǵan buzaqylar ustaldy
Bostandyq APB-nyń málimetinshe, buzaqylyq jasaǵandar anyqtalyp, ustaldy. Olardyń áreketteri áleýmettik jelilerde taratylǵan, dep habarlaıdy Almaty-akshamy.kz
«Olar barlyǵy tórteý. Árqaısysynyń rólderi taǵaıyndalǵan. Bireýi qoǵamdyq kólik júrgizýshisiniń nazaryn aýdarsa, ekinshisi – uıaly telefon kamerasyna ne bolyp jatqanyn túsirip jatqan, taǵy ekeýi – tikeleı oryndaýshylar, olar qoǵamdyq kóliktiń tóbesine shyǵyp, otshashý uıymdastyrǵan. Olardyń arasynda kámeletke tolmaǵandar da bar. Qazirgi ýaqytta atalǵan fakti boıynsha QR QK-niń 293-baby boıynsha qylmystyq is tergelýde. Sonymen qatar, buzaqylardyń áreketinde QR ÁQbK-niń 436-babynda kózdelgen quqyq buzýshylyq belgileri bar», – dep habarlady Bostandyq aýdandyq Polısıa basqarmasynyń bastyǵy Dýman Aýhadıev.
Baıandamashy qoǵamdyq kólik jolaýshylaryna qaýip tóndirgen jastardyń mundaı keleńsiz áreketteriniń sebebin tergeý anyqtaıtynyn atap ótti. Aıtpaqshy, avtobýs tóbesinen sekirgenderdiń biri basynan jaraqat aldy.