Qazaqstanda parasport qarqyndy damyp keledi

Qazaqstanda parasport qarqyndy damyp keledi Sýret: Elorda.info

Ótken jyly halyqaralyq jarystarda qazaqstandyq parasportshylar 187 medal jeńip aldy.


Onyń ishinde 62 altyn, 63  kúmis jáne 62 qola medal bar, dep habarlaıdy Almaty-akshamy.kz Elorda.info saıtyna silteme jasap. 


Mádenıet jáne sport mınıstrliginiń málimetinshe, Qazaqstan quramasynyń qorjynyna eń kóp medaldy para paýerlıfter (51 medal, 22 altyn), júzgishter (42 medal, 15 altyn) jáne jeńil atletter (41 medal, 13 altyn) salǵan. Bizdiń paradzúdoshylarymyz (20 medal, 6 altyn) ben parataekvondoshylarymyz da erekshelendi (16 medal, 2 altyn).


 Otandyq parasportshylar halyqaralyq marapattarǵa ıe bolǵan sport túrleri: voleıbol (otyryp) (1 altyn medal), parashańǵy jarysy jáne bıatlon (8 medal, 1 altyn), paraústel tenısi (5 medal, barlyǵy qola), parasadaq atý (2 medal, 1 altyn) jáne parakarate (1 altyn júlde).


 Qazaqstandyq parasportshylar úshin eń tabysty kezeń qarasha (61 medal), maýsym (35) jáne qazan (32) aılary boldy. Olar jyldyń eń iri týrnırlerine tap kelip, belsendi qatysty. Qarasha aıynda IWAS Dúnıejúzilik oıyndary ótti – bul eki jylda bir ret halyqaralyq arbada otyrǵandar men ampýtanttar sport federasıasy ótkizetin jarystar. Olarda Qazaqstan 42 medal jeńip aldy: 11 altyn, 17 kúmis jáne 14 qola.


 Maýsym aıynda paýerlıftıngten Azıa men Okeanıa ashyq chempıonaty ótti, onda bizdiń sportshylar 4 altyn, 8 kúmis jáne 6 qola júldege ıe boldy. Al qazan aıy osy sport túrinen álem chempıonatymen este qaldy. Bul týrnır Qazaqstan qorjynyna 10 medal saldy.



«Qazaqstanda parasport qarqyndy damyp keledi, al sportshylarymyz iri halyqaralyq jarystardyń tuǵyryna únemi kóteriledi. Árıne, biz munymen toqtamaımyz. Kerisinshe, parasportqa kóbirek kóńil bólý kerek. Ásirese, Parıjdegi Paralımpıada qarsańynda daıyndyqty kúsheıtý kerekpiz», - dedi QR Mádenıet jáne sport vıse-mınıstri Sársen Quranbek.


Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

13:15

11:07

18:30

17:04

13:59

12:40

11:58

10:34

19:08

18:13

17:38

17:19

15:53

15:26

14:54

14:43

14:20

14:17

14:09

12:28

12:15

12:02

12:00

11:52

11:37