Buıryq 4 naýryzdan bastap kúshine enedi.
QR IIDM buıryǵymen áýe kóliginde jolaýshylar men júk tasymaldaýǵa ózgerister engizildi, dep habarlaıdy Almaty-akshamy.kz
Budan bylaı bekitilgen talaptarǵa sáıkes kelmese, avıakompanıa júkti tasymaldaýǵa qabyldaýdan bas tarta alady.
Iaǵnı:
- júkti ákelý, áketý nemese tranzıtteý tasymaldaý júzege asyrylatyn aýmaqqa, aýmaǵynan nemese aýmaǵy arqyly sol eldiń zańnamasyna sáıkes júzege asyrylady;
- júktiń ólshemderi onyń erkin tıelýin jáne túsirilýin, áýe kemeleriniń bagajy men júk bólimderine ornalastyrylýyn jáne bekitilýin qamtamasyz etedi;
- turaqty jolaýshylar áýe kemelerinde tasymaldaý kezinde júktiń salmaǵy men ólshemderi avıakásiporynnyń sharttarynda belgilengen shekten aspaıdy;
- júkke ilespe qujattar qosa tirkeledi;
- júk ushaqqa, adamdarǵa jáne múlikke qaýip tóndirmeıdi jáne óziniń qasıetterine baılanysty jolaýshylarǵa qolaısyzdyq týdyrmaıdy.
Sondaı-aq alýshy avıakompanıadan áýe kemesi mejeli jerge kelgen, júk túsirilgen jáne óńdelgen sátten bastap júkti jáne júkqujatty resimdeýdi talap etetini túsindiriledi. Júkti jetkizý áýe kemesi kelgen sátten bastap 2 saǵattan keshiktirilmeı júzege asyrylady.
Bul rette áýejaı ákimshiligi jolaýshylardy, bagajdy jáne júkterdi áýe kóligimen tasymaldaý tártibin áýejaıdyń resmı ınternet-resýrsynda ornalastyrýy kerektigi aıtylady.