Qazaqstanda elektrondyq sıfrlyq qoltańbany (ESQ) zańsyz paıdalaný boıynsha talaptar qataıtylady. 13 naýryzdan bastap basqa adamnyń ESQ kiltin ruqsatsyz paıdalanǵandarǵa ákimshilik jaýapkershilik taǵaıyndalatyny habarlandy. Bul ózgeris azamattardyń jeke málimetteriniń qaýipsizdigin arttyrýǵa jáne sıfrlyq alaıaqtyqtyń aldyn alýǵa baǵyttalǵan, dep habarlaıdy aqshamnews.kz
Aıyppul mólsheri:
Jeke tulǵalarǵa – 50 AEK (196 600 teńge) aıyppul salynatyn bolady.
Shaǵyn kásipkerlik sýbektilerine – 100 AEK (393 200 teńge).
Orta kásipkerlik sýbektilerine – 150 AEK (589 800 teńge).
Bul ózgerister burynǵy zańnamadan ózgeshe, óıtkeni buǵan deıin tek ESQ kiltin úshinshi tulǵalarǵa zańsyz berý nemese qorǵaý sharalaryn saqtamaý úshin jaýapkershilik qarastyrylǵan edi. Endi jańa talaptarǵa sáıkes, ESQ-ny ruqsatsyz paıdalaný jaǵdaılary da qatań baqylaýǵa alynyp, aıyppuldar salynatyn bolady.
Negizgi maqsat – sıfrlyq qaýipsizdikti qamtamasyz etý, azamattardyń jeke derekterin qorǵaýdy kúsheıtý jáne elektrondy júıelerde alaıaqtyq áreketterdi boldyrmaý.
Endi azamattar men kásipkerler úshin ESQ-ny zańsyz paıdalaný úlken quqyq buzýshylyq bolyp sanalady. Bul ózgeris sıfrlyq qoltańbanyń mańyzyn arttyryp, onyń durys qoldanylýyn qamtamasyz etedi.