2025 jyldyń qyrkúıek aıynda Qazaqstanda ósimdik maıyn tańbalaý boıynsha pılottyq joba iske qosylady.
Tıisti buıryqqa Qazaqstan Respýblıkasy Aýyl sharýashylyǵy mınıstri qol qoıdy. Bul bastama ósimdik maıyn óndirý jáne aınalym salasyna zamanaýı sıfrlyq qadaǵalaý quraldaryn engizýge baǵyttalǵan, dep habarlaıdy aqshamnews.kz ASHM saıtyna silteme jasap.
Pılottyq joba aıasynda ósimdik maıy jáne onyń fraksıalary tańbalanady. Negizgi mindet – yqtımal tehnıkalyq jáne uıymdastyrýshylyq táýekelderdi anyqtaý, jekelegen prosesterdi jetildirý qajettiligin baǵalaý jáne mindetti tańbalaýdyń normatıvtik ári ádistemelik bazasyn jetildirý boıynsha usynystar ázirleý.
Naryq qatysýshylary júıeniń fýnksıonalyn tegin synaqtan ótkize alady, tańbalaýdy qoldanystaǵy óndiristik prosesterge engizýdi pysyqtaıdy, sondaı-aq tańbalaý kodtaryn engizýdiń ártúrli tásilderin baqylaý.
Tańbalaýdyń maqsaty – tutynýshylardyń quqyqtaryn qorǵaý, ónimniń zańsyz aınalymyna qarsy kúres, jetkizilim tizbeginiń ashyqtyǵyn arttyrý jáne qazaqstandyq óndirýshilerdiń básekege qabilettiligin kúsheıtý.
Pılottyq jobanyń qorytyndysy boıynsha Úkimet ósimdik maıyn mindetti túrde tańbalaýdy engizý týraly sheshim qabyldaıdy.