Almaly audandyq polıtsıya basqarmasynyń qyzmetkerlerí uchaskelík ınspektorlardyń, yuvenaldy polıtsıyanyń, krımınaldyq polıtsıyanyń jáne kóshí-qon qyzmetíníń qatysuymen profılaktıkalyq ís-shara ótkízdí, dep habarlaıdy aqshamnews.kz Polisia.kz-ke sílteme jasap.
Reıdtíń maqsaty – túngí uaqytta tūrǵyndardyń mazasyn jıí alatyn oıyn-sauyq mekemeleríníń zańnama talaptaryn saqtauyn baqylau. Tekseru barysynda qoǵamdyq tártíptí būzu, ǵımaratta kámeletke tolmaǵandardyń bolu erejelerín saqtamau jáne kóshí-qon zańnamasyn būzu derekterí anyqtaldy. Mysaly, barlardyń bírínde tynyshtyqty jáne kóshí-qon erejelerín būzuǵa qatysty tórt ákímshílík qūqyq būzushylyq tírkeldí. Taǵy bír mekemede osyndaı ekí derek anyqtaldy. Sondaı-aq temekí ónímderín, kalyan men elektrondy shylymdardy sheguge tyıym salu talaptaryn būzudyń 17 deregí tírkeldí.
- Mūndaı ís-sharalar tūraqty túrde ótkízíledí. Basty maqsat – qūqyq būzushylyqtardyń aldyn alu, tūrǵyndardyń tynyshtyǵy men qauípsízdígín saqtau. Almaty polıtsıyasy būl baǵytta júıelí túrde jūmysyn jalǵastyratyn bolady. Sonymen qatar oıyn-sauyq oryndarynyń ıeleríne zań talaptaryn qatań saqtaudyń, qauípsízdík pen qūqyqtyq tártíptí qamtamasyz etudíń, sondaı-aq kámeletke tolmaǵandardyń túngí klubtar men barlarda boluyna jol bermeudíń mańyzdylyǵyn eske salamyz, – dedí Almaly audandyq polıtsıya basqarmasy bastyǵynyń orynbasary Erjan Orazaev.