Bul suraqqa Eńbek jáne halyqty áleýmettik qorǵaý mınıstrligi jaýap berdi.
2023 jylǵy 1 maýsymdaǵy málimet boıynsha, Qazaqstandaǵy zeınetaqynyń ortasha mólsheri 120 743 teńge boldy, dep habarlaıdy Almaty-akshamy.kz
Jyl basynan beri respýblıkalyq búdjetten 1 trln 374,1 mlrd teńge qarjy zeınetaqy tóleýge bólindi, onyń ishinde bazalyq zeınetaqy tóleýge – 421,9 mlrd teńge, yntymaqty zeınetaqy tóleýge – 952,2 mlrd teńge.
2023 jylǵy 1 maýsymdaǵy jaǵdaı boıynsha elimizde 2 mln 299 myń adam zeınetker bar.
"2023 jylǵy 1 maýsymdaǵy jaǵdaı boıynsha jıyntyq zeınetaqynyń ortasha mólsheri 120 743 teńgeni qurady, onyń ishinde yntymaqty zeınetaqy mólsheri – 82 881 teńge, bazalyq zeınetaqy – 37 862 teńge", delingen QR Eńbek jáne halyqty áleýmettik qorǵaý mınıstrligi taratqan aqparatta.
2023 jylǵy 1 mamyrdaǵy jaǵdaı boıynsha jıyntyq zeınetaqynyń ortasha mólsheri 120 686 teńge bolǵan edi.