İlim ilgerileýde.
Qazaqstanǵa Ortalyq Azıadaǵy ǵylym jáne bilim salasyndaǵy eń iri is-shara qaıta oralady, dep habarlaıdy Almaty-akshamy.kz.
Elimizdiń astanasynda 26-29 qazan aralyǵynda onlaın formatta Nobel festıvali ótedi. Aýqymdy is-sharada álemdik deńgeıdegi ǵalymdar qatysady. Olar Qazaqstan, Ózbekstan jáne Ázerbaıjan elderindegi stýdıalarǵa qosylyp, pandemıa adamzatqa qandaı jańa jahandyq trendter ákelgenin talqyǵa salmaq. Jıynǵa barlyǵy 70 elden bes myńnan astam adam qatysady dep kútilýde.
Nobel Fest tehnıkalyq dırektory Batıhan Qálibekov pikirinshe, bul asa mańyzdy is-shara kórinedi.
«Qazanda ótetin festıváldiń taqyryby «Bolashaq – búgin!» dep atalǵandyqtan, kórermenderdiń aldynda sılıkon alqabynyń atasy sanalatyn Djonatan Medved, tanymal oıshyl, tarıhshy Iýval Noı Hararı syndy ınovasıa boıynsha sarapshylar, ondaǵan Nobel syılyǵynyń laýreaty men halyqaralyq deńgeıdegi ǵalymdar sóz sóılep, óz oılarymen bólisedi», - dedi ol.