Tıisti zańǵa Prezıdent Qasym-Jomart Toqaev qol qoıdy.
Elimizde nesıe berý tártibi ózgerdi, dep habarlaıdy Almaty-akshamy.kz
Endi bank aldyndaǵy bereshegin 90 kúnnen keshiktirgender qaıta qaryz ala almaıdy. Qazir el azamattary bankterge belsheden qaryz. Nesıe kólemi jyldan jylǵa artyp, 17 trılllıon 800 mıllıard teńgege jetti. Bir trıllıonǵa jýyq nesıe boıynsha tólem 90 kúnnen keshiktirilgen.
Qaryzǵa batqan halyqty qutqaryp, boryshtyq júktemeniń artýyna jol bermeý úshin nesıe berý týraly arnaıy zań qabyldandy.
Bereshegin 90 kúnnen keshiktirip júrgenderge kepilsiz nesıe berýge tyıym salynady. Ári nesıesi bar jigitter otan aldyndaǵy boryshyn ótep júrgende jáne demobılızasıadan keıin 2 aı boıy qaryzyna ósimpul eseptelmeıdi.
Qazir azamattar nesıesin tólemeı júrse, bankter bas qatyrmaıdy. Kolektorlyq agenttikterge bere salady. Olar keıin klıentten qaryzdy artyǵymen óndirip alyp jatady. Endi mundaıǵa jol joq.
Azamattardyń qaryzyn 2026 jyldyń mamyryna deıin kolektorlarǵa berýge tyıym salyndy. Kolektorlarǵa nesıeni berý tártibi qataıady. Iaǵnı klıent nesıesin 24 aı boıy tólemegen bolyp, onyń bereshegine ońtaılandyrý júrgizilgen bolýy tıis.
Eger ol da kómektespese, kolektorlarǵa berýge ruqsat.
Budan bólek, qazir onlaın nesıe rásimdeıtin alaıaqtar qaptap ketti. Endi jańa zańǵa saı, mıkro nesıe alý úshin mindetti túrde bıometrıalyq sáıkestendirýden ótý qajet. Ári áıeliniń ne kúıeýiniń ruqsaty bolýy tıis. Bul normanyń tehnıkalyq jaǵynan qalaı iske asatyny qazir qaralyp jatyr deıdi mamandar.
Sondaı-aq budan bylaı nesıeni alaıaqtardyń rásimdegeni dáleldense, ol keshiriledi. Zańǵa Prezıdent qol qoıdy. Endi ol 60 kúnnen keıin kúshine enedi.