Túrkistanda eki balasyn tunshyqtyryp óltirgen anaǵa sot úkimi shyqty
*TÚRKİSTAN, * – Túrkistan qalasynda aqpan aıynda bolǵan jantúrshigerlik oqıǵa boıynsha sot úkimi shyqty. Eki balasyn tunshyqtyryp óltirgen Bota Hamıtqyzy 15 jylǵa bas bostandyǵynan aıyryldy. Alaıda, sottalýshy úkimmen kelispeı otyr, dep habarlaıdy almaty-akshamy.kz.
Sottyń sońǵy otyrysyna jábirlenýshi tarap, ıaǵnı balalardyń ákesi, qatysqan joq. Aıyp aktisine sáıkes, Shıeli aýdanynda bastaýysh synyptyń muǵalimi bolyp jumys istegen 30 jastaǵy kelinshek kúıeýine renjip, Túrkistan qalasyna kelgen. Aldymen uly men qyzyn oıyn ortalyǵyna aparyp, keıin jaldaǵan páterge ákelip, olardy uıyqtatyp, tunshyqtyryp óltirgen. Osydan keıin Shymkent qalasyna qashyp ketken.
Psıhıatrıalyq saraptama qorytyndysy
Psıhıatrıalyq saraptama nátıjesinde áıeldiń aqyl-esi durys ekeni anyqtaldy. Saraptama altynshy naýryzda bastalyp, tórtinshi sáýirde aıaqtalǵan. 29 kúndik baqylaýdan keıin mamandar osyndaı qorytyndyǵa kelgen.
«Saraptama altynshy naýryzda bastalyp, tórtinshi sáýirde aıaqtaldy. 29 kún boıy tolyq baqylaýdan ótti. Mamandar osyndaı qorytyndyǵa keldi, ıaǵnı esi durys degen jaýap berdi», - dep málimdedi Túrkistan oblystyq qylmystyq ister jónindegi aýdanaralyq sotynyń sýdıasy Dáýren Madalıev.
Bul oqıǵa qoǵamda úlken rezonans týdyryp, kópshiliktiń nazaryn aýdardy. Sot úkimi ádil bolý úshin barlyq qajetti saraptamalar men dálelder qaralyp, tıisti sheshim qabyldanǵany málimdeldi.