Osy jyldyń segiz aıynda munaıǵa eksporttyq-kedendik baj boıynsha túsimder somasy 1,1 trln teńgeden asqan
Qazaqstan ekonomıkasyna munaı eksportynan túsetin túsimder aıtarlyqtaı ósti. Bul týraly Almaty-akshamy.kz LS agenttigine silteme jasap habarlaıdy.
Qarjy mınıstrliginiń málimetinshe, osy jyldyń segiz aıynda munaıǵa eksporttyq-kedendik baj boıynsha túsimder somasy 1,1 trln teńgeden asty. Bul ótken jyldyń sáıkes kezeńimen salystyrǵanda 526 mlrd teńgege nemese 1,9 ese kóp. Ol kezde túsimder nebári 603,1 mlrd teńgeni qurady.
Esterińizge sala keteıik, buǵan deıin Ulttyq ekonomıka mınıstrliginde eldiń ulttyq qory qymbattaǵan munaımen qanshalyqty ósetinin boljaǵan bolatyn. Mysaly, aǵymdaǵy jylǵy naqtylanǵan búdjette Ulttyq qorǵa túsimder munaı baǵasy barreline 9 90 bolǵanda 3,9 trln teńgeni quraıdy. Qara altynǵa eksporttyq kedendik baj respýblıkalyq búdjette 1,8 trln teńge deńgeıinde boljanady.
Osy ýaqytta Brent quny barreline 90 dollardan tómen tústi. Astana ýaqyty boıynsha saǵat 12:00-de qarasha fúchersteri barreline $88,38-dan satyldy. Qara altynnyń baǵasy elderdiń birqatar ortalyq bankteriniń mólsherlemeleriniń ósýi aıasynda suranys boıynsha kútýlerdiń tómendeýine baılanysty tómendeıdi. Onyń ishinde AQSH, Ulybrıtanıa, Shveısarıa elderi bar.