Qazaqstanda sırek kezdesetin jer elementterin ıgerý úshin Brıtan tehnologıalary tartylady.
Londonda mıneraldardy ıgerý salasynda yntymaqtastyqty nyǵaıtý úshin «Jol kartasyna» qol qoıyldy, dep habarlaıdy Almaty-akshamy.kz.
Memleket basshysy eldegi sırek metaldardy ıgerýdi úkimetke tapsyrǵan bolatyn. Bul mindetti júzege asyrý úshin jańa tehnologıalar qajet. Aldaǵy ýaqytta Qazaqstan úkimeti brıtanıalyq áriptesterimen baılanysty arttyrmaq.
«Sırek jer elementteri óte kóp.18 elemetimiz bar. Tehnologıalar joq, biraq paıdaly qazbalar bar. Ol úshin tehnologıalar kerek», - deıdi QR Ónerkásip jáne qurylys vıse-mınıstri Sharhan Iran.
Bir jyl buryn Ulybrıtanıanyń Syrtqy ister mınıstri Djeıms Kleverlı Qazaqstanǵa issaparmen kelip, mańyzdy mıneraldar salasyndaǵy yntymaqtastyq týraly Memorandýmǵa qol qoıǵany belgili. Búgingi «Jol kartasy» sol kelisimniń jalǵasy.
«Jol kartasynyń júzege asýy nátıjesinde Qazaqstanda brıtanıalyq kompanıalar kókjıekterin keńeıtip, tájirıbelerimen bólisedi degen zor úmittemiz», - deıdi Ulybrıtanıanyń ónerkásip jáne ekonomıkalyq qaýipsizdik mınıstri Nýsrat Ganı.