Almaty ákimdiginde jer silkinisi saldarynan zaqymdanǵan ǵımarat boıynsha qaıda júginý kerektigi túsindirildi
Almaty ákimdiginde jer silkinisi saldarynan ǵımarattyń zaqymdanýy anyqtalǵan kezdegi is-qımyl algorıtmi aıtyldy. Máselen, aýdandyq ákimdikter janynda TJD, MKK, aýdandyq sáýletshiler men basqa da ýákiletti organ ókilinen turatyn komısıa toby jumys isteıdi. Qurylysqa qandaı da bir zaqym kelgen jaǵdaıda qala turǵyndary fotomaterıaldarymen qosa aýdan ákimdigine ótinishpen júginýi qajet.
Budan ári Komısıa músheleri ótinish negizinde zaqymdaný deńgeıin aldyn ala anyqtaý úshin ǵımaratqa kóshpeli tekserý júrgizedi. Iaǵnı, olar tirek qurylymdarynyń buzylýynyń dáleli me, álde tóbeler, sylaq, plıtka jáne qasbetti árleý sıaqty árleý materıaldarynyń elementterine qatysty ma ekenin anyqtaıdy.
Aýdandyq komısıalardyń barlyq materıaly qalalyq Josparlaý jáne ýrbanıstıka basqarmasynda jınaqtalady. Sodan keıin qazaq Qurylys jáne sáýlet ǵylymı-zertteý jáne jobalaý ınstıtýtyna (QazQSǴZI) jiberiledi.
Óz kezeginde QazQSǴZI mamandary belgili bir obektiniń zaqymdaný sebebi men dárejesi týraly qorytyndy beredi.
Qalpyna keltirý jumysyn qarjylandyrýǵa qatysty aıtylar bolsa, áleýmettik nysandar búlingen jaǵdaıda barlyq jóndeý jumysy búdjet qarajaty esebinen júrgizilmek.
Kóppáterli turǵyn úılerdiń árleý elementteri zaqymdanǵan jaǵdaıda jóndeý jumysyn kondomınıým qarajaty esebinen júrgizý qajet. Ǵımarattardyń tutastyǵyna qaýip tóndiretin zaqym anyqtalǵan jaǵdaıda qalpyna keltirý jumysyna qarajat memlekettik organdardyń búdjetinen bólinedi.