Qazaqstan Respýblıkasynyń «Melıorasıa týraly» jeke zańyn ázirleý orynsyz.
Bul týraly Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy Almaty-akshamy.kz QazAqparatqa silteme jasap.
QR «Agroónerkásiptik keshendi jáne aýyldyq aýmaqtardy damytýdy memlekettik retteý týraly» zańyna sáıkes, melıorasıa fýnksıalary sýarmaly jerlerdiń melıorasıalyq jaı-kúıine monıtorıń júrgizý jáne baǵalaý bóliginde Qazaqstan Respýblıkasynyń Aýyl sharýashylyǵy mınıstrligine bekitilgen. Bul rette qýań jerlerdiń, tuzdy, batpaqty, shamadan tys ylǵaldanǵan jerlerdiń, olardyń jaǵdaıy sýdyń áserine baılanysty jaı-kúıin jaqsartý maqsatynda júrgiziletin jerdi gıdromelıorasıalaý bóliginde Qazaqstan Respýblıkasy Ekologıa, geologıa jáne tabıǵı resýrstar mınıstrligine júktelgen», - dep atap ótedi Úkimet basshysy jaýabynda.
Premer-Mınıstrdiń atap ótýinshe, budan basqa jeke nemese zańdy tulǵalardyń jerdi paıdalanýy men qorǵaýyn memlekettik baqylaý, sondaı-aq jerdi utymdy paıdalaný normalary Qazaqstan Respýblıkasynyń jer zańnamasymen rettelgen. Sondaı-aq jer zańnamasynda jer ýchaskeleriniń menshik ıeleri men jer paıdalanýshylardyń daqyldardy kezektestirýdiń belgilengen sqemalaryn saqtaý, qajetti melıorasıalyq jáne qalpyna keltirý jumystaryn júrgizý, onyń ishinde ýchaskede bar sýarý jáne kolektorlyq-drenajdyq júıelerdi tıisti tártippen ustaý jónindegi mindetteri kózdelgen.
«Bul rette Ákimshilik quqyqbuzý kodeksiniń 338-babyna sáıkes, aýyl sharýashylyǵy maqsatyndaǵy jerlerdi utymsyz paıdalanǵany nemese paıdalanbaǵany úshin ákimshilik jaýapkershilik kózdelgenin atap ótemiz. Baıandalǵannyń negizinde melıorasıa týraly jeke zań ázirleýdi orynsyz jáne qoldanystaǵy zańnamalyq aktilerdi basshylyqqa alý qajet dep paıymdaımyz», - dedi Álıhan Smaıylov.