15 sáýirden bastap qazaqstandyq mektepterde oqýshylardyń bilim jetistikteriniń monıtorıńi bastalady.
Oǵan 2462 mektep boıynsha 4-shi jáne 9-synyptarynda oqıtyn 150 myńǵa jýyq oqýshy qatysady, dep habarlaıdy Almaty-akshamy.kz. QR Oqý-aǵartý mınıstrliginiń baspasóz qyzmetine silteme jasap.
BBJM arqyly oqý baǵdarlamalarynyń tıimdiligin baǵalaýǵa, sondaı-aq, oqý prosesiniń osal tustaryn anyqtaýǵa qol jetkiziledi. Oqýshylardyń bilim sapasyn zerdeleýge baǵyttalǵan bul júıe qazaqstandyq ulttyq zertteý quraly. Onyń qorytyndysynda bilim berý sapasyn arttyrý úshin ár aımaq pen naqty bilim berý uıymy boıynsha keshendi taldaý jáne ádistemelik usynymdar ázirlenedi.
«Monıtorıń saýattylyqtyń úsh baǵyty boıynsha júrgiziledi: oqý saýattylyǵy, matematıka jáne jaratylystaný. Oqýshylar testileýdi kompútermen tapsyrady. Halyqaralyq zertteýlerge sáıkes, bilim berý jetistikteriniń ártúrli mándik faktorlaryn anyqtaý úshin BBJM sheńberinde saýalnama júrgiziledi. Saýalnama oqýshylarǵa, pedagogterge, mektep basshylaryna jáne tórtinshi synyp oqýshylarynyń ata-analaryna arnalǵan», - deıdi «A.Baıtursynuly atyndaǵy «Taldaý» ulttyq zertteýler jáne bilimdi baǵalaý ortalyǵy» AQ-nyń tóraǵasy Maǵjan Amanǵazy.
Aıta ketý kerek, BBJM 26 sáýirge deıin jalǵasady. Bıyl test tapsyrmalary PISA, PIRLS, TIMSS halyqaralyq baǵalaý úlgilerin eskere otyryp jańartyldy. Qazir qazaqstandyq BBJM júıesi halyqaralyq akredıtteýden ótýde.