Almaty-akshamy.kz saıtynda jarıalanǵan jańalyqtarǵa sholý – kún kerýeni
UTO-da tegin onlaın sabaqtar júrgizilip jatyr
Bul sabaqtar bilim berý ortalyqtarynyń YouTube arnalarynda tikeleı efırde ótip, saqtalady. Talapkerler kez kelgen ýaqytta olardy qaıta qaraı alady.
UBT-da «Qazaq ádebıeti» men «Orys ádebıeti» pánderinen kezdesetin shyǵarmalar tizimi (mektep baǵdarlamasynan), sondaı-aq «Informatıkadan» UBT suraqtarynda kezdesetin nemese suraqtyń mazmunyn túsiný úshin qajet termınder tizimi UTO saıtynda ornalastyryldy.
Daýdan arylmaǵan Daırabaev pen Dáýlet
B. Álteev, A. Tolamysov, G. Qanaı, S. Ogaı, J. Daırabaev, Q. Maıgeldinov, B. Ýálı, A. Tımoshenko-Borovıkova, S. Sarybaı, D. Turlyhanov, A. Lodochnıkov, S. Quranbek, E. Sýlarov Ulttyq Quryltaıdyń quramynan shyǵaryldy.
Resmı aqparatta atap ótilgendeı, Ulttyq quryltaı jumysyna jańa qoǵam ókilderi qosyldy.
Jalaqyny keshiktirmeńizder!
Áıtpese jumysshyǵa ótemaqyny qosa tóleısiz! Reseı Federasıasynyń memlekettik dýmasy jumysshylardyń quqyǵyn qorǵaý baǵytynda asa mańyzdy qujatty qabyldady. Bul zań jobasyn qabyldaýǵa konstıtýsıalyq sotqa kelip túsken shaǵym sebep bolǵan. Degenmen, maquldanǵan zańda jalaqyny qansha kún keshiktirgennen keıin ótemaqy esepteletini aıtylmaǵan. Depýtattar bekitken jańa normalarǵa sáıkes ótemaqy mólsheri qyzmetker ony alýy tıis kúnnen bastap túpkilikti tólem jasaǵanǵa deıin naqty tólenbegen aqshadan esepteletin bolady.
Elimizdiń áskerleri BUU bitimgershilik mısıalaryna qatysady
Qazaqstan tuńǵysh derbes bitimgershilik kontıngentine qatysady.
Konstıtýsıanyń 53-babynyń 5-tarmaqshasy boıynsha, BUU mynadaı mısıasyna:
Birinshi – Golan bıiktiginde bólinýdi baqylaý kúshterine;
Ekinshi – bitimge kelý sharttarynyń oryndalýyn baıqaý organyna;
Úshinshi – Ońtústik Sýdan Respýblıkasyndaǵy mısıaǵa;
Tórtinshi – áýedegi qaýipsizdikti qamtamasyz etý ýaqytsha kúshterine qatysý úshin sany 430 adamnan aspaıtyn kontıngentti jiberý týraly usynys engiziledi.
Almatynyń almasy
Endi ıissýǵa aınaldy. Ony «Bolashaq» baǵdarlamasynyń túlegi, Sátbaev ýnıversıtetiniń aǵa ǵylymı qyzmetkeri Gúljan Túzelbaeva jasaǵan.
Ataýlary qazaqsha. «Almaty aporty», «Aport», «Jańa aport», «Amır», «Aıda», «Mıneraldy raýshan». Fransıadaǵy parfúmerlerdiń eń joǵary baǵasyn alǵan Kókjaılaýdyń qaıyń ıisi de bar. Baǵasy-35-50 myń tg aralyǵynda.
Qazaqstan biryńǵaı ýaqytqa kóshedi
1 naýryzda saǵat 00:00-den bastap eldiń búkil aýmaǵynda biryńǵaı ýaqyt beldeýi ornatylady. Osylaısha, Qazaqstan Respýblıkasynyń búkil aýmaǵyna 5-shi ýaqyt beldeýi (UTC+5) qoldanylady. Qaýly resmı túrde jarıalanyp, 2024 jylǵy 1 naýryzdan bastap qoldanysqa engizildi.
Qazaqstan mektepterinde 2817 pedagog jetispeıdi
Ásirese, matematıka jáne orys tili men ádebıeti pánderiniń muǵalimderine suranys joǵary.
Muǵalim tapshylyǵy máselesin sheshý úshin elimizdiń 4 óńirinde 2022 jyldan bastap Qazaqstan Respýblıkasy úkimetiniń 2022 jylǵy 13 maýsymdaǵy № 390 (Atyraý, Almaty, Mańǵystaý jáne Túrkistan oblystary) qaýlysymen bekitilgen arnaıy baǵdarlama iske asyrylyp jatyr.
Sheteldik kóligin tirkemegenderge aıyppul salynady
Mınıstrliktiń aqparatynda aıtylǵandaı 304 myńnan astam sheteldik avtokólik tirkeldi. Onyń 21 myńy — avtokonstrýktor. 55 myń avtokólik ýaqytsha esepke alyndy. «Sheteldik avtokólik ıelerine belgilengen tártipte tirkelmegen avtokólikterdi paıdalaný úshin ákimshilik jaýapkershilik qarastyrylatynyn eske salamyz», - dedi vedomstvodaǵylar.
Esepti endi jasandy ıntellekt sheshetin boldy
Amerıkandyq matematıkter kúrdeli geometrıalyq esepterdi sheshe alatyn tehnologıalyq júıe oılap tapty. Jasandy ıntellektiniń kómegimen jasalǵan tyń dúnıe bilim báıgelerindegi tapsyrmalardy jyldam sheshe alady. Tipti halyqaralyq olımpıadada qoldanylatyn 30 saýaldyń 25-in kidirmeı durys tapqan. Muny qazylar alqasy da quptap otyr. Endi neırojelini munan da kúrdeli tapsyrmalardy oryndaýǵa qoldaný kerek deıdi ǵalymdar.
Almatyda jasyl jelekterdi keskenderdiń isi sotta qaraldy
Almaty soty «K» jaýapkershiligi shekteýli seriktestigine jer telimin paıdalanýǵa qatysty zańbuzýshylyqtardy joıýdy mindettedi, sebebi kompanıa jasyl jelekterdi joıyp, ornyna aqyly avtoturaq uıymdastyrdy.
Sot anyqtaǵandaı, "aýmaqty kógalandyrý“ maqsatyndaǵy jer telimin menshik ıesi basqa maqsatta paıdalanǵan. Joǵaryda atalǵan mekeme jer ýchaskesinde aqyly avtoturaq uıymdastyryp, jasyl jelekterdi joıyp jibergen. Zańnamaǵa sáıkes, eger menshik ıesi jer ýchaskesiniń nysanaly maqsatyn buzsa, memlekettik ýákiletti organdar buzýshylyqtardy joıý jáne onyń maqsatty túrde paıdalanylýyn qamtamasyz etý boıynsha sharalar qabyldaıdy.