Elde indettiń órshýine baılanysty qosymsha shekteýler engizildi
QR Densaýlyq saqtaý mınıstri Ajar Ǵınıat elde koronavırýsqa qatysty epıdahýaldyń nasharlaýyna baılanysty lokdaýn engizý máselesi týraly aıtty, dep habarlaıdy Almaty-akshamy.kz QazAqparatqa silteme jasap.
«Búginde el aýqymynda lokdaýn engizý josparlanyp otyrǵan joq, qarastyrylyp ta jatqan joq. Biz qoldanyp otyrǵan barlyq shekteý sharalary densaýlyq saqtaý júıesine júktemeni azaıtýǵa, koronavırýs ınfeksıasynan bolatyn ólim-jitimdi azaıtýǵa, shuǵyl kómektiń barlyq halyqqa qoljetimdi bolýyna baǵyttalǵan», - dep jaýap berdi Ajar Ǵınıat Ortalyq komýnıkasıalar qyzmetinde.
Mınıstr aldaǵy ýaqytta shekteý sharalary ár óńirdegi epıdemıologıalyq jaǵdaıǵa baılanysty túrli deńgeıde qoldanylatynyn aıtty.
«Osy jyldar ishinde biz boljam jasaýdy jáne shekteý sharalaryn josparlaýdy úırendik», - dedi Densaýlyq saqtaý mınıstri.
Aıta keteıik, Qazaqstanda koronavırýstyń órshýine baılanysty qosymsha shekteý sharalary engizildi.