12-17 jas aralyǵyndaǵy jasóspirimderge arnalǵan ekpe.
Qazaqstanda COVID-19-ǵa qarsy «Spýtnık M» (Gam-KOVID-Vak-M) vaksınasy tirkeldi, dep habarlaıdy Almaty-akshamy.kz QazAqparatqa silteme jasap.
2022 jylǵy 19 aqpanda QR DSM Medısınalyq jáne farmasevtıkalyq baqylaý komıteti «Gam-KOVID-Vak-M» dárilik zatyna 8 aı merzimge ýaqytsha tirkeý kýáligin berdi.
Gam-KOVID-Vak-M - SARS-CoV-2 vırýsy týdyratyn koronavırýstyq ınfeksıanyń aldyn alý úshin vektorlyq vaksına, bulshyq et ishine engizýge arnalǵan eritindi, komponenti I-0,5 ml/doza + komponenti II-0,5 ml/doza, Reseı Federasıasynda óndirilgen.
Vaksına Qazaqstan Respýblıkasynyń aýmaǵynda koronavırýs ınfeksıanyń paıda bolýy men taralýyna boldyrmaý jónindegi vedomstvoaralyq komısıa otyrysynyń 2022 jylǵy 10 aqpandaǵy hattamasynyń jáne QR DSM KMFBK «Dárilik zattar men medısınalyq buıymdardy saraptaý ulttyq ortalyǵy» SHJQ RMK 2022 jylǵy 17 aqpandaǵy qorytyndysynyń negizinde tirkeldi. Spýtnık-M 12-17 jas aralyǵyndaǵy jasóspirimderge arnalǵan.
«Spýtnık M» men «Spýtnık V» arasyndaǵy aıyrmashylyq adenovırýstyq bólshekterdiń konsentrasıasynyń bes ese tómendeýi bolyp tabylady, sonyń arqasynda jasóspirimder ımýnıteti eresekterge arnalǵan dozany qoldanýmen salystyrǵanda az júktemege ushyraıdy.