Jańa ózgertýler otandyq ekonomıkanyń damýyna yqpal etedi.
Eńbek jáne halyqty áleýmettik qorǵaý mınıstrligi Qazaqstan Respýblıkasynyń Kóshi-qon saıasatynyń 2023-2027 jyldarǵa arnalǵan tujyrymdamasyn ázirledi, dep habarlaıdy Almaty-akshamy.kz Egemen.kz silteme jasap.
Eńbek mınıstrliginde atap ótilgendeı, úzdik álemdik praktıkalarǵa negizdelgen eldiń jańa kóshi-qon saıasaty ulttyq erekshelikterge beıimdelip, otandyq ekonomıkanyń damýyna yqpal etedi.
Ol úshin kelesi negizgi mindetterdi sheshý qajet:
- El ishindegi teńgerimsizdikter men memlekettiń halyqaralyq mindettemelerin eskere otyryp, kóship kelýshilerdiń jekelegen, talap etiletin sanatyn qazaqstandyq qoǵamǵa qolaıly ıntegrasıalaý múmkindigin bere otyryp, Qazaqstandy bilikti kadrlardy tartý ortalyǵyna aınaldyrý úshin jaǵdaılar qalyptastyrý;
- Elden tys jerlerdegi Qazaqstan azamattarynyń quqyqtaryn tıimdi qorǵaý júıesin qurý;
- Jınaqtalǵan demografıalyq teńgerimsizdikti retteýdiń tıimdi quraldary men tetikterin engizý.
Qujatta atap ótilgendeı, kóshi-qon salasyndaǵy memlekettik saıasat qysqa, orta jáne uzaq merzimdi kezeńderge arnalǵan oqıǵalardy damytýdyń boljamdy senarılerin ázirleý jáne sheshimder qabyldaýdyń barynsha ashyq júıesin qalyptastyrý úshin derekterdiń úlken aýqymyn óńdeýdiń qazirgi zamanǵy aqparattyq júıeleri men tehnologıalarymen súıemeldenedi.
Aıta ketsek, qujatta usynylǵan sharalar sheńberinde tapshy mamandyqtar boıynsha 500 úzdik maman tartý kózdeledi.
Qujattyń tolyq nusqasymen «Ashyq NQA» saıtynda tanysýǵa bolady. Onda ol 19 qyrkúıekke deıin talqylaý úshin ornalastyrylǵan.