6 qyrkúıek kúni Qala kúni qarsańynda Almaty mýzeıinde «Tumsa tarıh tereńinen...» atty kórmeniń ashylýy ótedi.
Myń jyldyq tarıhy bar, mádenı-tarıhı muralary men sulý tabıǵaty bar ásem qala, qazirgi Almaty – Qazaqstannyń batyl ári qarqyndy damýynyń kórinisi, dep habarlaıdy Almaty-akshamy.kz.
Qazirgi Almaty terıtorıasy b.z.d. 12-9 ǵasyrlardan qola dáýiri kezeńinen ıgerile bastady. Saqtar men úısinder dáýirinde b.z.d. 6-2 ǵǵ. qazirgi Almaty terıtorıasynan ǵalymdar kóptegen ertedegi memlekettik birlestikterdiń – saqtar men úısin taıpalyq odaqtarynyń turaqtary men qorǵandaryn tapty. Al orta ǵasyrlarda 10-14 ǵǵ. osy aýmaqta Almaty dep atalǵan Uly Jibek joly boıyndaǵy baı damyǵan órkenıetti qala boldy. Oǵan dálel arheologtar burynǵy Shekarashylar ýchılıshesi (qazirgi Áskerı ınstıtýt) ornalasqan kóne qalashyqtyń aýmaǵynan tapqan kúmis dırhemder kórmede kórermen nazaryna usynylatyn bolady.
Sondaı-aq, kórmede Almaty mýzeıiniń qorynda saqtalǵan qalamyzdyń terıtorıasynan tabylǵan úsh myń jyl buryn paıda bolǵan shaǵyn qonystardan, Uly Jibek joly boıyndaǵy ortaǵasyrlyq qalanyń ákimshilik bılik, qolóner, saýda, mádenıet jáne ıdeologıa ortalyǵyna aınalǵan Almatynyń ýrbanızasıa úderisin kórsetetin artefaktiler jáne qundy jazba derekter qoıylady.
Kórme 12 qyrkúıekke deıin jalǵasady. Ótetin orny men ýaqyty: Almaty q., Qabanbaı batyr k., 132