Bul «baqylaýdy» talap etetin shtamdarǵa jatady.
Qazaqstannyń Densaýlyq saqtaý mınıstrligi árbir qazaqstandyqty óz densaýlyǵyn jáne jaqyndary men týystarynyń densaýlyǵyn saqtaýǵa qamqorlyqpen qaraýǵa shaqyrady. Sebebi respýblıkanyń tórt óńirinen mamandar koronavırýstyń jańa shtamy baryn anyqtaǵan, dep habarlaıdy Almaty-akshamy.kz.
KVI-dyń jańa shtamy paıda bolǵany týraly Densaýlyq saqtaý mınıstri Alekseı Soı áleýmettik jelilerde habarlady.
«Densaýlyq saqtaý mınıstrligi aǵymdaǵy jyldyń shilde-tamyz aılarynda KVI naýqastarynan alynǵan oń zerthanalyq úlgilerdi sekvenırleý ádisimen koronavırýstyq ınfeksıaǵa genetıkalyq zertteý júrgizdi. Sekvenırleý qorytyndylary boıynsha Qazaqstan Respýblıkasynda 96 úlgide shtamdar aınalymy belgilengen (Delta «Úndi shtamy» - 57 (59,4%), Alpha «Brıtandyq» - 24 (25%), «Ýhan» koronavırýsy - 10 (10,4%) jáne eta «Nıgerıa» - 5 (5,2%)). Eta «Nıgerıa» shtamynyń aınalymy 4 óńirde aıqyndaldy (Qaraǵandy - 1, Mańǵystaý - 2, Pavlodar - 1, Nur-Sultan - 1). «Eta» shtamynyń paıda bolýy 2020 jyldyń jeltoqsanynda belgili boldy, aýrýdyń alǵashqy jaǵdaılary Nıgerıa men Ulybrıtanıada anyqtaldy», - dep jazdy mınıstr jelide.
Dúnıejúzilik densaýlyq saqtaý uıymynyń 2021 jylǵy 15 qyrkúıektegi derekteri boıynsha Eta shtamy álemniń 77 elinde bólingen, DDU sanaty boıynsha «baqylaýdy» talap etetin shtamdarǵa jatady.
Klınıkalyq belgileri Alpha (Brıtandyq) jáne Beta (Ońtústik Afrıka) shtamdary (joǵary qyzba, jótel, ıis pen dám joǵaltý, aýyr aýrý jáne t.b.) sıaqty.
«Osyǵan baılanysty Densaýlyq saqtaý mınıstrligi árbir qazaqstandyqty óz densaýlyǵyn jáne jaqyndary men týystarynyń densaýlyǵyn saqtaýǵa qamqorlyqpen qaraýǵa shaqyrady. Infeksıadan jáne aýrýhanaǵa jatqyzýdan qorǵaýdyń jalǵyz tıimdi ádisi - COVID19 vaksınasıasynyń aıaqtalǵan kýrsy», - dep tolyqtyrdy mınıstr óz sózin.
Mınıstrdiń aıtýynsha, vırýstyń taralý qaýpin azaıtý úshin barlyq aldyn alý sharalaryn saqtaý qajet: maska kıý, áleýmettik qashyqtyqty saqtaý, qol gıgıenasy, úı-jaılardy jeldetý jáne t.b.