Qazaqstan men Belarýs elderi arasyndaǵy óndiristik áleýet artyp keledi.
Qazaqstan men Belarýs mashına jasaý salasyndaǵy áriptestik aıasyn keńeıtedi, dep habarlaıdy Almaty-akshamy.kz Qazaqtv.com saıtyna silteme jasap.
Qazir elimizdiń aýmaǵynda atalǵan el tehnıkasy men qurylǵylaryn shyǵaratyn 7 iri birlesken óndiris oshaǵy bar. Olardyń deni – kólik jınaıtyn zaýyt. Bıyldyń alǵashqy 7 aıynda ǵana byltyr jyl boıy qoldanysqa berilgen traktorlar men kombaındar qurastyrylǵan.
Tehnıka kólemi men óndiristiń qýatyn eseleýmen qatar qazaqstandyq úlesti arttyrý jaǵyna den qoıylyp otyr.
Qazaqstan Respýblıkasyndaǵy Belarýs Respýblıkasynyń tótenshe jáne ókiletti elshisi Pavel Ýtúpın aıtyp berdi.
Biz lokalızasıalyq úrdisti tereńdetetin bolamyz. Keler jyly kabınalardy tolyqtaı shyǵarýǵa arnalǵan óndiristi iske qosamyz. Olar osy jerde jınalyp, Qazaqstan aýmaǵyndaǵy óndiristik alańdarǵa jetkiziletin bolady. Qazaqstanda oǵan qajetti ózge de jobalar qolǵa alynýda. Máselen, qozǵaltqyshtar shyǵaratyn zaýyt, qozǵaltqyshtarǵa qajetti qosalqy bólshekter jasaıtyn jobalarymyz bar, - dedi ol.