Dárigerler maýsymnan bastap koronavırýs boıynsha ólim-jitim azaıǵanyn aıtty.
Densaýlyq saqtaý mınıstrligi jyl basynan beri Qazaqstandaǵy koronavırýsqa qatysty ólim-jitim statısıkasyn jarıalady, dep habarlaıdy Almaty-akshamy.kz Egemen.kz silteme jasap.
«Bıyl 6 aıda KVI-dan 785 adam qaıtys boldy. Ólim-jitim kóbinese qańtar-aqpan aıynda boldy. Atap aıtqanda, qańtarda koronavırýs saldarynan 311 adam qaıtys boldy, aqpanda - 411, naýryzda - 54, sáýirde - 3, mamyrda - 3, maýsymda - 1 jáne shilde aıynda 3 pasıent qaıtys boldy», - dedi Vácheslav Dýdnık Ortalyq komýnıkasıalar qyzmeti alańynda ótken baspasóz máslıhatynda.
Sondaı-aq elimizdiń bas memlekettik sanıtarlyq dárigeri koronavırýstan qaıtys bolǵandar týraly statısıkanyń kúndelikti jarıalanbaýyna qatysty túsinik berdi.
«Maýsymnan bastap koronavırýs boıynsha ólim-jitim azaıdy. Statısıkany kúndelikti jarıalaýdyń qajeti joq. Koronavırýs juqtyryp, arty ólimge alyp kelgen jaǵdaılarǵa qatysty málimet boıynsha mınıstrlikke júginýge bolady», - dedi Aıjan Esmaǵambetova.