Respýblıka halqynyń arasynda júrgiziletin profılaktıkalyq jáne epıdemıaǵa qarsy sharalardyń nátıjesinde 42 ınfeksıalyq aýrý tirkelmegen, onyń ishinde: oba, tyrysqaq, dıfterıa, polıomıelıt, sibir oıyq jarasy, ish súzegi, qutyrý, týláremıa, sirespe.
26 ınfeksıa, onyń ishinde koronavırýs ınfeksıasy 5 ese, skarlatına 27,5%-ǵa, brýselez 24,9%-ǵa, aýyz vırýsy ınfeksıasy 23%-ǵa, ehınokokkoz jáne lámblıoz 20,7%-ǵa, enterobıoz 15,5%-ǵa, salmonellez 9%-ǵa tómendedi, dep habarlaıdy Almaty-akshamy.kz QR Densaýlyq saqtaý mınıstrligine silteme jasap.
2024 jylǵy aqpanda qańtarmen salystyrǵanda qyzylshamen syrqattanýshylyqtyń 33%-ǵa tómendeýi baıqalady. Syrqattanýshylyq egilmegen balalardyń esebinen tirkeledi, bul syrqattanǵan balalar sanynyń 83% -yn quraıdy.
Sonymen qatar, kókjótelmen syrqattanýshylyqtyń ósýi tirkeldi. Kókjótelmen aýyratyndardyń 91%-y egilmegen balalar. Kókjótelmen syrqattanýshylyqtyń ósýi josparly vaksınasıalaýdy ótkizip alý jáne vaksınasıalaýdan bas tartýdyń sebebinen ujymdyq ımýnıtetiniń tómendeýimen baılanysty.
Vaksınasıalaý júrgiziletin ınfeksıalyq aýrýlardyń aldyn alý maqsatynda ata-analarǵa balalarynda ekpelerdiń bolýyna nazar aýdarýdy usynamyz. Vaksınasıalaý bolmaǵan jaǵdaıda, tirkelgen jeri boıynsha medısınalyq uıymnan ekpe alý kerek.