Kórsetkish ótken jyldyń osy kezeńimen salystyrǵanda 2,5% kóp.
Ulttyq statısıka búrosynyń málimetinshe, 2024 jylǵy qazanda 170,4 myń avtomobıl esepke qoıyldy, dep habarlaıdy aqshamnews.kz
«2024 jylǵy 1 qarashadaǵy jaǵdaı boıynsha, Qazaqstanda tirkelgen kólikter sany 5 652,4 myńdy qurady, onyń ishinde 88% – jeńil avtokólikter, 9,9% – júk avtomobılderi men 2,1% – avtobýstar»,-delingen búro taratqan aqparatta.
Sonymen qatar, tirkelgen jeńil kólikterdiń jalpy sanynyń qozǵaltqysh kólemi boıynsha eń kóp úlesi (43,9%) 1500-2000 sm3 kólemindegi jeńil avtokólikterine tıesili. Qozǵaltqysh kólemi 1500 sm3 deıingi jeńil kólik úlesi – 19,3%, 2000-2500 sm3 aralyǵynda – 17,4%, 2500-4000 sm3 – 14,9%, 4000 sm3 joǵarylar – 1,9%.
Qozǵaltqysh kólemi 1500-2000 sm3 aralyǵyndaǵy jeńil avtomobılderdiń eń kóp sany Almaty oblysynda – 232,9 myń, Almaty – 217,4 myń jáne Astana qalalarynda – 168,7 myń, sondaı-aq, Qaraǵandy oblysynda – 158,2 myń.