Arnaıy ereje ázirlendi.
Orman sharýashylyǵy jáne janýarlar dúnıesi komıteti kıikterdiń múıizderin tańbalaý erejelerin ázirledi, dep habarlady Almaty-akshamy.kz Turkystan.kz silteme jasap.
Erejege sáıkes respýblıka aýmaǵy arqyly tasymaldanatyn taýarlardy kedendik tranzıt rejıminde alyp tastaǵanda kıikterdiń múıizderi tańbalanýǵa jatady.
Kıikterdi zańsyz satyp alý nemese mekendeý ortasynan ajyratý arqyly alynǵan múıizder tańbalaýǵa jatpaıdy.
Kıikterdiń múıizderin tańbalaýǵa arnalǵan buıym (QR-kod) onda tirkelgen derekter negizinde kıikterdiń múıizderin sáıkestendirý, esepke alý úshin biryńǵaı aqparattyq júıemen daıyndalady.
Orman sharýashylyǵy jáne janýarlar dúnıesi komıteti kıikterdiń múıizderin satýdy júzege asyratyn memlekettik monopolıa sýbektileriniń ótinishi negizinde buıymdardy beredi.
Kıikterdiń múıizin Qazaqstan Respýblıkasynan tys jerlerge shyǵarǵysy keletin memlekettik monopolıa sýbektisi quryp ketý qaýpi tóngen jabaıy faýna men flora túrlerimen halyqaralyq saýda týraly konvensıanyń kúshi qoldanylatyn derıvattar el aýmaǵynan eksporttaýǵa nemese keri eksporttaýǵa ruqsat alýǵa ótinish beredi.
Ruqsatty ákimshilik organ quryp ketý qaýpi tóngen jabaıy faýna men flora túrlerimen halyqaralyq saýda týraly konvensıanyń kúshi qoldanylatyn janýarlar túrlerin Qazaqstan Respýblıkasynyń aýmaǵyna ımporttaýǵa, eksporttaýǵa nemese keri eksporttaýǵa ruqsat berý qaǵıdalaryna sáıkes beredi.
Buıymnyń jeke eseptik nómiri ruqsattamada kórsetiledi.
Buıymdy memlekettik monopolıa sýbektisiniń mamany kıiktiń múıizi bar árbir vakýmdyq pakettiń ishine ony kózben sholyp qaraýdy qamtamasyz etetin jáne qaıta paıdalanýdy boldyrmaıtyn tásilmen jelimdeıdi.
Tańbalanǵan buıymda kelesi aqparat qamtylady: múıizdiń jeke eseptik nómiri, kody, kıiktiń popýlásıasy, múıizdiń satyp alynǵan kúni, múıizdiń veterınarıalyq-sanıtarıalyq saraptamasynyń nómiri men kúni, buıymnyń nómiri, buıymnyń berilgen kúni.
Qujat 2022 jylǵy 16 maýsymǵa deıin «Ashyq NQA» saıtynda ornalastyrylǵan.