Oral popýlásıasynda 800 myń bas bóken bar
Ekologıa, geologıa jáne tabıǵı resýrstar vıse-mınıstri Álıa Shalabekova kıik sany elimiz boıynsha 1 mln 300 myńǵa jetkenin málimdedi, dep habarlaıdy Almaty-akshamy.kz.
Batys Qazaqstanda «Bókeı ordasy» memlekettik rezervaty men «Ashyózek» tabıǵı qaýmaly quryldy. Vıse-mınıstr aýdandarǵa baryp, «kıikterden zardap shegip otyrmyz» dep shaǵymdanǵan sharýalarmen kezdesti. Rezervat osy máseleni sheshýge yqpal etedi dep ashyldy. Tabıǵı aýmaqtyń jalpy aýdany - 650 myń gektar. Onda 78 adam jumys isteıdi.
Al Qazaqstanda kıik sany 1 mln 300 myńǵa jetti. Oral popýlásıasynda 800 myń bas bóken bar. Bul týraly Qazaqstan telearnasy habarlady.
Ekologıa, geologıa jáne tabıǵı resýrstar vıse-mınıstri Álıa Shalabekovanyń aıtýynsha, erekshe qorǵalatyn tabıǵı aýmaq 1 shildeden bastap naqty iske kirisedi. Oǵan respýblıkalyq búdjetten 300 mln teńge qarjy bólinedi.
«Basty maqsat – kıikti qorǵaý, onyń kóshi-qonyn qadaǵalaý. Aýmaqta shamamen 250 myńdaı kıik bolady. Rezervatta ańshylyq jasaýǵa tyıym salynady. Al ol jerden tys aýmaqta kıikti aýlaýmen basqa bir mekeme shuǵyldanady. Ol jaǵyn áli oılastyryp jatyrmyz»,-deıdi Álıa Shalabekova.