Shyǵarmashylyq is-sharaǵa 70-ten astam órt sóndirýshi-qutqarýshylardyń, dıspecherlerdiń jáne basqa da qyzmetkerlerdiń balalary qatysty
Balalardy qorǵaý kúnin merekeleý qarsańynda órt sóndirýshi-qutqarýshylardyń balalary qutqarýshylar aleıasynyń asfáltynda sýretter oryndady, dep habarlaıdy Almaty-akshamy.kz.
Almaty qalasy Muqanov jáne Bógenbaı kósheleriniń qıylysyndaǵy qutqarýshylar aleıasynda TJ departamenti TJ organdary ardagerleriniń qalalyq uıymynyń qoldaýymen balalardy qorǵaý kúnine oraı balalar sýretteriniń konkýrsyn ótkizdi.
Shyǵarmashylyq is-sharaǵa 70-ten astam órt sóndirýshi-qutqarýshylardyń, dıspecherlerdiń jáne basqa da qyzmetkerlerdiń balalary qatysty. Sýretterde balalar súıikti otbasymen, órt sóndirýshi mamandyǵymen baılanysty barlyq nárseni muqıat sýrettedi. Jas qatysýshylardyń jasy-3-ten 12 jasqa deıin, árqaısysynyń sýreti erekshe boldy. Baıqaý qorytyndysy boıynsha jeńimpazdar anyqtaldy:
1 oryn: Ýmırbekova Jasmın Erdenovna. Onyń anasy Dıhanbaeva Aınur-Almaty qalasy TJD Órt sóndirý jáne avarıalyq-qutqarý jumystary qyzmetiniń qujattamalyq qamtamasyz etý tobynyń ınspektory.;
1 oryn: Kýshkýrbaeva Aelın Daýletqyzy, , Almaty qalasy TJD Órt sóndirý jáne avavrıa-qutqarý jumystary qyzmetiniń baılanys kúshteri men quraldaryn jedel basqarý ortalyǵynyń ınjeneri Daýlet Kýshkýrbaevtyń qyzy;
2 oryn ıegerleri: Ermek Nuraı Nurbolqyzy, ákesi Ótegenov Nurbol № 10 bólim bastyǵynyń orynbasary qyzmetin atqarady, sondaı-aq Ýladıeva Shatmıra, ákesi 14-ÓSB qaraýyl bastyǵy Ýladıev Rýstam.
3 oryndy № 13 órt sóndirý bóliminiń ınjeneri Laýra Katjanovanyń qyzy Merýert Erbolqyzy, sondaı-aq № 13 Órt sóndirý bóliminiń aǵa ınjeneri Elmıra Qanqojaevanyń qyzy Alýa Qyzyrbaı aldy
Quramyna ardagerler uıymynyń ókili Lı Aleksandr Mıhaılovıch, TJD jáne órt sóndirý qyzmetiniń qyzmetkerleri kirgen baıqaý komısıasy túrli jas sanattaryndaǵy jeńimpazdardy anyqtady. Barlyq balalarǵa qatysqany úshin estelik syılyqtar men tátti syılyqtar berildi.
İs-shara sońynda azamattyq qorǵaý ardageri Gúlshat Dáýrenbekova barlyǵyna belsendi qatysqany úshin alǵys aıtyp, balalarǵa óz eliniń deni saý, myqty, aqyldy jáne laıyqty balalary bolyp ósýge tilek bildirdi.
Almaty qalasy TJ departamenti balalar sýretteri baıqaýyna qatysqandardyń barlyǵyna alǵys bildiredi!