Pılottyq joba Abaı oblysynda, Pavlodar óńirinde jáne Shymkent qalasynda iske asyrylady.
QR Eńbek jáne halyqty áleýmettik qorǵaý mınıstrligi QR Sıfrlyq damý, ınovasıalar jáne aeroǵarysh ónerkásibi mınıstrligimen birlesip, keıinnen qaıtarý arqyly óteýsiz paıdalaný shartymen azamattardy jekelegen tehnıkalyq ońaltý quraldarymen qamtamasyz etý boıynsha pılottyq jobany iske asyrýdy josparlap otyr, - dep habarlaıdy Aqshamnews.kz.
Osyǵan baılanysty birlesken buıryq jobasy týraly aqparat «Ashyq NQA» portalynda jarıalandy.
Múgedektigi bar adamdarǵa óteýsiz paıdalaný negizinde mynadaı jekelegen TOQ túrleri usynylatyn bolady: protezdik-ortopedıalyq (mysaly, júrip-turýǵa arnalǵan qurylǵylar, ustaǵyshtar jáne t.b.), sýrdoqurylǵylar, tıflotehnıkalyq quraldar, gıgıenalyq jabdyqtar jáne arnaıy qozǵalys quraldary.
TOQ-men qamtamasyz etýdiń jańa tetiginiń mańyzdy aspektisi – ońaltý quraldarynyń tozý deńgeıin aıqyndaıtyn, olardy ýaqtyly jóndeý nemese aýystyrý arqyly tıisti tehnıkalyq kúıge keltirýdi qamtamasyz etetin áleýmettik-tehnıkalyq saraptama qyzmetin qurý bolyp tabylady.
Pılottyq joba Qazaqstan Respýblıkasynyń 2025–2030 jyldarǵa arnalǵan ınklúzıvtik saıasat tujyrymdamasyn iske asyrý aıasynda ázirlengen. Joba TOQ-ny utymdy paıdalaný tetigin engizýge, zamanaýı úlgilerdiń sapasyn jaqsartýǵa jáne qoljetimdiligin arttyrýǵa múmkindik beredi, bul óz kezeginde múgedektigi bar adamdardy ońaltýǵa jáne olardyń qoǵamǵa sińisýine oń áserin tıgizedi.