Qazaqstandyq studentter Qyrǵyz Respublıkasynda ótíp jatqan III Túrkí unıversıadasynda joǵary sporttyq nátıjeler kórsetíp, elímízdíń abyroıyn asqaqtatty.
Otandyq joǵary oqu oryndarynyń ókílderí bírneshe júldelí oryndarǵa ıe boldy, - dep habarlaıdy Aqshamnews.kz.
Ústel tennısínen jarysta Qazaqstannyń erler komandasy altyn medal jeńíp aldy. Komanda qūramynda ál-Farabı atyndaǵy Qazaq ūlttyq unıversıtetíníń studentí Nūrǵalı Nūrdáulet jáne Qazaqstan-Amerıkandyq erkín unıversıtetíníń studentí Temírlan Jıenbaev bar. Qyzdar komandasy da júldegerler qatarynan kóríníp, qola medal jeńíp aldy. El namysyn ál-Farabı atyndaǵy QazŪU studentí Arujan Bekísh pen QBTU studentí Ekaterına Pyurko qorǵady.
Erkín kúres boıynsha Qazaqstan da úzdík nátıjelerge qol jetkízdí. Altyn medaldí Qazaq sport jáne turızm akademıyasynyń studentí Amırhan Dáulet ıelense, kúmís medaldí ál-Farabı atyndaǵy QazŪU studentí Ákejan Aıtbekov jeńíp aldy.
Grek-rım kúresínde Central Asian Innovative University studentí Omar Sataev altyn medalǵa ıe boldy.