Ulttyq ǵylym akademıasynyń róli artpaq
Elimizde keıbir ǵalymdarǵa ómir boıy stıpendıa tóleý máselesi qaralyp jatyr. Bul týraly QR Ǵylym jáne joǵary bilim mınıstri Saıasat Nurbek málim etti, dep habarlaıdy Almaty-akshamy.kz QazAqparat-qa silteme jasap.
«Ulttyq ǵylym akademıasynyń rólin arttyryp, memlekettik mártebe berý – ǵylymdy tıimdi basqarýdyń jáne ǵylymı-tehnologıalyq júıeni úılestirýdiń qajetti sharty. Qazir bizdiń mınıstrlik ulttyq ǵylym akademıasynyń qyzmetin túbegeıli ózgertý jumysy kezeń-kezeńimen júrip jatyr. Atap aıtqanda, ulttyq ǵylym akademıasyn memlekettiń (KEAQ) 100% qatysýymen komersıalyq emes aksıonerlik qoǵam retindeı qurý. Bul ókilettiktiń bir bóligin múshelerdiń jalpy jınalysyna berýge múmkindik beredi. Sonymen qatar QR UǴA-nyń edáýir derbestigin qamtamasyz etedi», - dedi Saıasat Nurbek elordada ótip jatqan «Adamı kapıtal – jańa Qazaqstan damýynyń negizgi resýrsy» atty ǵylym jáne joǵary bilim forýmynda.
Sondaı-aq, mınıstr akademıa músheleri avtomatty túrde aýystyrylyp, jańa múshelerdiń saılanatyny týraly aıtty.
«Odan bólek, jańartylǵan talaptarǵa sáıkes QR UǴA Prezıdentin saılaý jáne bekitý de mańyzdy. Zeınetkerlik jasqa jetken ulttyq ǵylym akademıasynyń jekelegen múshelerine «danyshpandarǵa» ómir boıǵy stıpendıalar bólý qaralady», - deıdi ol.
Odan bólek, vedomstvo basshysy QR UǴA-nyń quzyretine ǵylym jáne forsaıt boıynsha ulttyq baıandama ázirleý, ǵylym men tehnıka salasyndaǵy granttardy, stıpendıalardy jáne syılyqtardy taǵaıyndaý ókilettiliginiń beriletini týraly sóz qozǵady.
«Memleket basshysy atap ótkendeı, QR Ulttyq ǵylym akademıasy jańǵyrtý jáne kadrlyq jańarý sharalary boıynsha ǵylymı oıdyń ortalyǵy jáne saraptamalyq qyzmetti júzege asyratyn bedeldi uıym bolatynyna senimdimin», - dedi S. Nurbek.
Buǵan deıin QR Ǵylym jáne joǵary bilim mınıstri halyq tabysyn arttyrýǵa arnalǵan baǵdarlama iske qosylatyny týraly aıtqan edi.