Depýtat Magerram Magerramov Qazaqstanda jynys aýystyrýǵa tyıym salýdy usyndy, dep habarlaıdy aqshamnews.kz.
Onyń aıtýynsha, elimizdiń baı tarıhy men ata-babalarymyz saqtap kelgen mádenı jáne dástúrli qundylyqtar jynystyq sáıkestilik buzylystary bar adamdar úshin jynys aýystyrýdyń qolaılylyǵy týraly suraqty kún tártibine qoıady.
Qazirgi ýaqytta QR «Halyq densaýlyǵy jáne densaýlyq saqtaý júıesi týraly» kodeksine sáıkes, 21 jasqa tolǵan jáne psıhıkalyq ári minez-qulyqtyq buzylystary joq adamdarǵa jynys aýystyrýǵa ruqsat etiledi.
Depýtat Magerramovtyń aıtýynsha, «jynystyq sáıkestilik buzylystary bar adam» uǵymy belgili bir aýytqýshylyqtyń bolýyn bildiredi. Fızıkalyq aýytqýlardyń bolmaýyn eskere otyryp, psıhıkalyq nemese minez-qulyqtyq erekshelikterdiń bar ekeni anyq. Sondyqtan gormondyq jáne hırýrgıalyq aralasýlardyń saý denege jasalýy aqtalmaıdy.
Mundaı medısınalyq aralasýlardyń ruqsat etilýi ulttyq mádenıetke jat ıdeıalarmen basqarylatyn jekelegen tulǵalardyń shekaralaryn keńeıtýge yqpal etedi, - dedi ol.
Magerram Magerramov bastaǵan partıa ókilderi zańnamaǵa tıisti ózgerister engizilgenge deıin jynys aýystyrýǵa ýaqytsha tyıym salýdy talap etti. Bul bastama dástúrli qundylyqtardy saqtaý jáne qoǵamda ulttyq mádenıetke jat ıdeıalardyń taralýyna jol bermeý maqsatynda kóterildi.