Qasym-Jomart Toqaev elimizdegi densaýlyq saqtaý júıesin damytý baǵytynda júzege asyrylyp jatqan sharalarǵa arnaıy toqtaldy, dep habarlaıdy almaty-akshamy.kz
– Elimizde barlyq balany profılaktıkalyq medısınalyq tekserýden ótkizý isi jolǵa qoıylǵan. Árbir iri eldi mekende jastardyń densaýlyq ortalyqtary jumys isteıdi deýge bolady. Jyl saıyn úsh mıllıonǵa jýyq eresek adam skrınıng jáne kásibı tekserý baǵdarlamasynan ótedi. Aýyl turǵyndarynyń medısınalyq qyzmet alýyna birdeı múmkindik jasaý úshin biz birqatar reforma júrgizdik. Nátıjesinde, 2018 jyldan bastap aýyldardaǵy alǵashqy kómek kórsetý pýnktteriniń sany 3 eseden astam kóbeıdi. Sonymen qatar telemedısına jáne qashyqtan monıtorıń jasaý sıaqty sıfrlyq tehnologıalar belsendi túrde engizilip jatyr. Bul alǵashqy medısınalyq kómektiń qoljetimdiligin aıtarlyqtaı arttyrady, – dedi Memleket basshysy.
Prezıdent sózin qorytyndylaı kele, Dúnıejúzilik densaýlyq saqtaý uıymynyń qoldaýymen Memleketterdiń medısınalyq-sanıtarıalyq alǵashqy kómek jónindegi koalısıasyn qurýdy usyndy. Bul birlestik densaýlyq saqtaý jáne aýrýdyń aldyn alý qaǵıdattaryn odan ári ilgeriletýge, medısınalyq-sanıtarlyq alǵashqy kómekti damytý jónindegi birlesken usynymdar ázirleýge múmkindik beredi.
- Qasym-Jomart Toqaev medısınalyq-sanıtarıalyq alǵashqy kómek kórsetý salasyn, jalpy densaýlyq saqtaý júıesin odan ári damytýda jastarǵa zor senim artatynyn atap ótti.
- Memleket basshysy jastarmen kezdesken saıyn sportpen shuǵyldanýdyń mańyzdylyǵy týraly aıtatynyn eske salyp, olardy eńbekqor jáne maqsattaryna adal bolýǵa shaqyrdy.