Qazaqstanda jyl basynan beri 70-ke jýyq saıt buǵattaldy. Onda esirtkige qatysty málimetter bolǵan. Bul týraly İİM Esirtki qylmysyna qarsy kúres departamentiniń jedel ýákili Danıar Oralov málimdedi, dep habarlaıdy Almaty-akshamy.kz Tengrinews.kz-ke silteme jasap.
Onyń aıtýynsha, İİM mamandary esirtkiniń taralýy týraly aqparat bar saıttardy, jazbalardy, blogtar men jarnamalardy anyqtaý úshin ınternetti baqylap otyrady.
Onyń aıtýynsha, 2022 jyly «Kıbernadzorǵa» 1996 esirtki saıty buǵattaý úshin jiberilgen, onyń 1493-i buǵattalǵan.
«Osylaısha, 2022 jyly aýmaqtyq bólimsheler telekomýnıkasıalyq júıelerdi paıdalana otyryp, esirtkini taratýmen aınalysqan 632 adamdy ustady, onyń ishinde 26-sy - chat-bottardyń ákimshileri men uıymdastyrýshylary, 74-i - esirtikini bólip, saqtaýshylar, 364-i - kýrerler, 58-i - zerthanalardy uıymdastyrýshylar jáne 26-sy – graffıtı syzbalaryn qoldanýǵa arnalǵan trafaretshiler. Barlyǵy 84 ınternet-dúkender men chat-bottar anyqtaldy.
Jyldyń basynan beri 179 ınternet-resýrs buǵattaýǵa jiberildi, 69-y buǵattaldy», - dedi Danıar Oralov İshki ister mınıstrliginde ótken brıfıń barysynda.