Qazaqstan TMD elderiniń arasynda birinshi bolyp júrek arıtmıasyn emdeýdiń jańa tehnologıasyn engizdi.
UMC júrek ortalyǵynyń mamandary álemniń jetekshi klınıkalarynda qoldanylatyn júrek arıtmıasyn emdeýdiń ozyq ádisi – Farapulse elektroımpýlsti ablásıasyn sátti engizdi. Tehnologıa joǵary qaýipsizdik pen tıimdilikke ıe jáne em-sharadan keıin pasıentterdiń qalpyna kelý ýaqyty 1-2 kúnge deıin qysqarady, dep habarlaıdy aqshamnews.kz Densaýlyq saqtaý mınıstrligine silteme jasap.
Eýropalyq júrek asosıasıasy qaýymdastyǵynyń (EHRA) hatshysy bolyp tabylatyn, álemge áıgili kardıolog, fransýz klınıkasy Clinique Pasteur profesory Serj Boveda jańa tehnologıany qoldaný boıynsha master-klass ótkizdi.
«Em-shara az ınvazıvti – kateter san kóktamyry arqyly engizilip, júrekke jiberiledi, onda elektroporasıa arqyly ol tek patologıalyq tinderge áser etedi. Búkil proses bir saǵattan aspaıdy jáne pasıentter eki kúnnen keıin qalypty jaǵdaıǵa oralady», – dedi profesor.
Farapulse tehnologıasy Qazaqstanda TMD jáne Ortalyq Azıa elderiniń arasynda alǵash ret engizildi. Ol pasıentterde júrekshe fıbrıllásıasy– júrektiń joǵarǵy kameralarynyń tez jáne yrǵaqty emes jıyrylýy paıda bolǵan kezde qoldanylady. UMC júrek ortalyǵynyń mamandary doktor Bovedanyń jetekshiligimen master-klass barysynda 8 em-shara ótkizdi.
«Tehnologıa saý tinderge áser etpeı, arıtmıa aımaqtaryna dál áser etýge múmkindik beredi, bul pasıent úshin emdeýdi barynsha qaýipsiz etedi», - dep atap ótti UMC júrek ortalyǵynyń ıntervensıalyq arıtmologıa bóliminiń meńgerýshisi Ómirbek Nuralınov.
Bul tehnologıany engizý ásirese ózekti, óıtkeni júrek-qan tamyrlary aýrýlary álemdegi ólimniń negizgi sebepteriniń biri bolyp qala beredi.
«Qazaqstanda jyl saıyn 1000-ǵa jýyq pasıent júrekshe fıbrıllásıasyn emdeýdi qajet etedi jáne memlekettik kvotanyń arqasynda olar osy joǵary tehnologıalyq kómekti tegin ala alady», - dep atap ótti UMC basqarmasynyń tóraǵasy Iýrıı Pá.