22-23 qyrkúıek kúnderi Nú-Iorktegi BUU shtab-páterinde «Bolashaq samıti» ótti.
Bul shara uıym úshin kelesi urpaqqa arnalǵan mańyzdy oqıǵa retinde qarastyrylady, dep habarlaıdy aqshamnews.kz
Samıtte sóz sóılegen spıkerlerdiń biri – Qazaqstannyń Syrtqy ister mınıstri Murat Nurtileý boldy. «Orda» BUU minberinen aıtylǵan negizgi oılardy qysqasha usynady.
Eń aldymen, orta memleketterdiń daýsynyń mańyzdylyǵy týraly sóz qozǵaldy. Jaqynda ǵana Qazaqstandy osy memleketter qataryna qosqan bolatyn.
«Qazaqstan Prezıdenti Qasym-Jomart Toqaev aıtqandaı, orta memleketter men damýshy elderdiń daýsy BUU Qaýipsizdik Keńesinde kúsheıtilýi jáne anyq estilýi kerek. Geosaıası turaqsyzdyq pen ekonomıkalyq belgisizdik kezeńinde álemge dıplomatıa men dıalog qajet», - dedi Nurtileý.
Syrtqy ister mınıstri Qazaqstan úshin óte ózekti másele — turmystyq zorlyq-zombylyq taqyrybyn da qozǵady:
«Ádiletti Qazaqstandy qurý — negizgi maqsatymyz, jáne bizdiń elimiz ólim jazasyn alyp tastady, azaptaýlar men turmystyq zorlyq-zombylyqqa absolútti tózimsizdik saıasatyn engizdi, sondaı-aq ulttyq aldyn alý mehanızmin kúsheıtti».
Mınıstr sonymen qatar klımat máselelerin de atap ótti. Atap aıtqanda, Qazaqstannyń Ortalyq Azıa men Aýǵanstan úshin BUU turaqty damý ortalyǵyn qurý týraly usynysyn eske saldy. Budan bólek, Nurtileý Qazaqstannyń ıadrolyq qarýsyzdaný máselesindegi ustanymyn aıtty:
«Murat Nurtileý halyqaralyq qaýymdastyqty bolashaqta ıadrolyq apattyń aldyn alý úshin birlesip jumys isteýge shaqyrdy»,-dep habarlady SİM saıty.
Qazaqstan atynan mınıstr «Bolashaq samıtiniń» úsh negizgi qujatyn — Bolashaq Pakti, Jańa Ǵalamdyq sandyq kelisim men Bolashaq urpaqtarǵa arnalǵan deklarasıany qoldaıtynyn málimdedi.