Kólik mınıstri Marat Qarabaev elimizde jol ınfraqurylymyn basqarýdy jańǵyrtý úshin negiz bolatyn «E-Joldar» biryńǵaı sıfrlyq platformasy engiziletinin aıtty, dep habarlaıdy aqshamnews.kz
Platforma qoldanystaǵy sıfrlyq júıelerdi biriktiredi jáne barlyq avtomobıl joldary – halyqaralyq, respýblıkalyq, oblystyq jáne aýdandyq joldar týraly aqparatty jınaý jáne esepke alý úderisterin avtomattandyrýǵa múmkindik beredi.
Platformanyń negizgi qyzmetiniń biri jol salasyn damytýda ashyqtyqty qamtamasyz etý, sondaı-aq jol aktıvterin senimdi baqylaý jáne tıimdi basqarý. Sonymen qatar «E-Joldar» avtojol paıdalanýshylary, jergilikti ózin-ózi basqarý organdary jáne jol aktıvterin basqarýǵa jaýapty mamandar arasynda tyǵyz baılanys ornatýǵa jaǵdaı jasaıdy.
Mınıstrdiń aıtýynsha, platformany engizý 2026 jyldyń birinshi jartyjyldyǵyna josparlanǵan, bul jol qyzmetteriniń sapasyn edáýir arttyrýǵa jáne ınfraqurylymmen baılanysty máselelerdi sheshýdi jedeldetýge múmkindik beredi.