Sýtegimen ushatyn tikushaq-taksı qatynaýy múmkin.
Kólik mınıstri Marat Qarabaev Qazaqstanda pılotsyz taksı qashan qyzmet kórsete bastaıtynyn aıtty, dep habarlaıdy aqshamnews.kz
«Biz qazir mobıldi jolaýshy tasymaly deıtin jobany kóbirek talqylap jatyrmyz. Byltyr jyl aıaǵynda biz Ońtústik Koreıaǵa barǵan edik. Sol kezde osyndaı máseleni talqyladyq. Áýejaıdan Alataý qalasyna deıin jolaýshylardy tasymaldaýǵa aeromobılder paıdalaný kózdelip otyr. Bul ózi shý shyǵarmaıtyn, sýtegi tutynatyn, 5 adamǵa deıin jolaýshy sıatyn tikushaq deýge bolady. Qazir bul baǵytta Ońtústik Koreıa men AQSH kompanıalary tabysty jumys istep jatyr. Qazaqstandyq kompanıalardyń biri osyndaı jobany iske asyrýǵa qyzyǵýshylyq tanytty. Bul osy máseleni aıtarlyqtaı tereń zerttedik jáne áli de pılottyq joba retinde iske asyrý máselelerin pysyqtap jatyrmyz. Birinshi satysynda Almatydan Alataý qalasyna deıin synap kóremiz. Bul 2026 jylǵa qaraı pılottyq negizde iske qosylýy múmkin dep boljap otyrmyz», - dedi ol.
Mınıstrdiń aıtýynsha, atalǵan joba áli zerttelip jatyr.