Jol-kólik oqıǵalarynyń aldyn alý, sondaı-aq respýblıka boıynsha joldardaǵy ólim-jitim deńgeıine qoǵamnyń nazaryn aýdarý maqsatynda 13-19 qarasha aralyǵynda “Jol qozǵalysy qaýipsizdigi aptalyǵy” respýblıkalyq aksıasy ótkizildi, – dep habarlaıdy almaty-akshamy.kz Polisia.kz silteme jasap.
Joldardyń qaýipti ýchaskelerinde polısıa qyzmetkerleri “Kózge kórinip júr” aksıasyn ótkizdi, onyń barysynda jaıaý júrginshilerge olardyń jol júrisi qaǵıdarlaryn saqtaýy, balalardyń jaryq shaǵylystyratyn elementterdi paıdalanýy týraly aıtyldy.
15 myńnan astam jadynamalar men býkletter, 20 myńnan astam flıkerler taratyldy.
– Sondaı-aq adamdar kóp júretin joldarda “Sizdiń jolaýshyńyz – bala” aksıasy ótkizildi. Polısıa qyzmetkerleri júrgizýshilerge jol júrisi qaǵıdalaryn qatań saqtaýdy, balalardy tasymaldaý kezinde olardy ustaý qurylǵylaryn paıdalanýdy eskertip, profılaktıkalyq jumystarǵa erekshe nazar aýdardy, – dep habarlady İİM ákimshilik polısıa komıteti.
Odan bólek jol apattarynda zardap shekkenderge qoldaý kórsetý úshin qan tapsyrý aksıasy jáne mektepke deıingi mekemelerdiń daıyndyq toptarynyń tárbıelenýshileri men bastaýysh synyp oqýshylary arasynda “Júrgizýshige hat” baıqaýy uıymdastyryldy.