Bolashaqta memlekettik qyzmetterdi pılottyq joba aıasynda elektrondy formatta júzege asyrý júrgiziledi.
QR Indýstrıa jáne ınfraqurylymdyq damý mınıstrligi jer qoınaýyn paıdalaný salasyn sıfrlandyrý jumystaryn júrgizýde. Bul baǵyttaǵy prosester QR Sıfrlyq damý, ınovasıalar jáne aeroǵarysh ónerkásibi mınıstrligimen birlese júzege asyrylýda, dep habarlaıdy Almaty-akshamy.kz.
«Sıfrlandyrý jumystary 4 kezeńdi qamtıdy. Atap aıtqanda, qatty paıdaly qazbalardy barlaýǵa lısenzıa berý, qatty paıdaly qazbalardy óndirýge lısenzıa berý, jer qoınaýyn paıdalanýshy rejımine ótý sheńberinde lısenzıa berý jáne jer qoınaýyn paıdalaný týraly sharttarǵa túzetýler engizý boıynsha qosymsha Kelisimdi bekitý syndy qujattyq rásimder qarastyrylǵan»,- delingen IIDM baspasóz qyzmetiniń habarlamasynda.
Keıin atalǵan memlekettik qyzmetterdi pılottyq joba aıasynda elektrondy formatta júzege asyrý júrgiziledi.
«Jer qoınaýyn paıdalaný salasyn sıfrlandyrý elimizdiń ınvestısıalyq tartymdylyǵyn arttyryp, bul tarapta qajetti qujattar sanyn aıtarlyqtaı azaıtýǵa septigin tıgizedi. Sonymen qatar bul proses túrli ákimshilik kedergilerge tosqaýyl qoıyp, lısenzıa berý kezindegi ashyqtyqty qamtamasyz etedi»,- delingen QR IIDM baspasóz qyzmetiniń habarlamasynda.