Almatyda eki kólik soqtyǵysyp, jol apatynan júrgizýshiniń biri aýrýhanaǵa tústi.
Oqıǵa Seıfýllın dańǵyly men Qazybek bı kóshesiniń qıylysynda bolǵan, dep habarlaıdy Almaty-akshamy.kz
Seıfýllınniń boıymen soltústik baǵytta kele jatqan Nissan Patrol kóligi baǵdarshamnyń jasyl túsi sóner tusta joldy kesip ótpekshi bolǵan. Qazybek bı kóshesimen shyǵys baǵytta kele jatqan Lada Granta qıylystan atyp shyqqan. Eki júrgizýshi jol apatyn boldyrmaýǵa tyrysqanymen, eshteńe shyqpady. Soqqynyń aýyr bolǵany sonsha, Lada trotýarǵa ushyp ketken. Jol-kólik oqıǵasy saldarynan zardap shekken kólik júrgizýshisi jedel aýrýhanaǵa jetkizildi.