Baǵdarlama halyqtyń kópshiligine qoljetimdi bolýy úshin jasalǵan.
24 qańtarda Indýstrıa jáne ınfraqurylymdyq damý mınıstri Marat Qarabaev Úkimet otyrysynda Qazaqstanda jeńildetilgen avtonesıe berý tetigin qaıta qaraý jospary týraly aıtty, dep habarlaıdy Almaty-akshamy.kz
Marat Qarabaev jeńildetilgen avtokólik nesıesi úshin beriletin nesıe somasy 10 mıllıon teńgege deıin, al kólik quny 15 mıllıon teńgeden aspaýy kerektigin eske saldy. Onyń aıtýynsha, mundaı parametrler baǵdarlama halyqtyń kópshiligine qoljetimdi bolýy úshin jasalǵan.
«Aıdyń sońyna deıin baǵdarlamany iske qosýǵa tyrysamyz» dep aıtyp jatyrmyz», - dedi Marat Qarabaev.
Onyń aıtýynsha, osy aptada Indýstrıalyq damý qory brıfıń ótkizip, odan keıin merzimderi men sharttary belgili bolady.
«Bul jerde másele tutastaı alǵanda baǵdarlamanyń mehanızmin qaıta qaraý týraly bolyp otyr, eger buǵan deıin olar avtosalondarǵa júginip, sodan keıin ǵana bankke barsa, endi «Indýstrıalyq damý qory» AQ basqa mehanızmdi usynady: aldymen ótinish berý úshin qorǵa elektrondy kezek paıda bolady, sodan keıin avtosalondar ózderimen kelisilgen belgili bir merzimde avtokólikti bere alady», dedi QR Indýstrıa jáne ındýstrıalyq-ınnovasıalyq damý mınıstrliginiń basshysy.
Bul rette ol tek Qazaqstanda ǵana emes, álemniń kóptegen elderinde adamdar kólikti uzaq kútý máselesimen betpe-bet keletinin aıtty.
2022 jyldyń mamyr aıynda baǵdarlamaǵa 100 mlrd teńge bólindi. 1 jeltoqsandaǵy jaǵdaı boıynsha, bul aqshaǵa 14 myńnan astam nesıe maquldandy, onyń ishinde 12 500-den astam jańa avtokólikter shyǵaryldy. Avtonesıeniń ortasha mólsheri 7,8 mln teńgeni qurady.
2022 jyldyń sońynda jeńildetilgen avtonesıelerdi 2023 jyldyń qańtarynda iske qosý jospary jarıalandy.