Quqyq buzýshylyqtardyń aldyn alý jónindegi vedomstvoaralyq komısıanyń otyrysy barysynda jeke tasymaldaýshylarǵa kúndelikti medısınalyq jáne tehnıkalyq tekserýden ótý jónindegi talaptardyń ózgerýine nazar aýdaryldy.
Premer-mınıstr Oljas Bektenov jańa normalardyń saqtalýyn baqylaý qalaı júzege asyrylatyny týraly máseleni sheshýdi kólik mınıstri Marat Qarabaevtan surady, dep habarlaıdy aqshamnews.kz Úkimettiń Telegram-kanalyna silteme jasap.
«Reıske shyqpas buryn ol kólikti vızýalno tekseredi, sýretke túsiredi jáne jalpy bazaǵa jiberedi. Osydan keıin ǵana ol ruqsat alady. Reıs aldyndaǵy fızıkalyq tekserýge keletin bolsaq, ol onlaın rejıminde de júzege asyrylady. Júrgizýshiler jolǵa shyǵar aldynda avtoparkterde kýálandyrýdan ótýge mindetti. Qajetti arnaıy jabdyq satyp alynýda. Qazir olar jetkiliksiz. Sonymen qatar mundaı jabdyq janarmaı quıý stansasynda ornatylady. Mundaı tetikter ınternet-agregatorlar úshin qarastyrylǵan», – dedi Marat Qarabaev.