Búgin Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna joldaýyn jarıalady, - dep habarlaıdy Aqshamnews.kz tilshisi.
Qazaqstanda Jasandy ıntellekt mınıstrligi qurylady. Bul týraly Toqaev joldaýynda aıtty.
Joldaýda úsh jyldyń ishinde Qazaqstan tolyqqandy sıfrlyq el bolýy keregin aıtyldy.
Prezıdenttiń aıtýynsha, Qazaqstanda Jasandy ıntellekt jáne sıfrlyq damý mınıstrligi qurylady.
Joldaý barysynda Prezıdent Sıfrlyq kodeks týraly zańdy jedel qabyldaý qajettigin atap ótti.
"Bul qujatta jasandy ıntellektti, platformalyq ekonomıkany, úlken derekterdi paıdalaný jáne basqa da sıfrlandyrýdyń negizgi baǵyttary aıqyndalýy tıis. Jańa tehnologıalyq júıeniń bir bóligi bolý úshin memlekettik basqarý júıesin túbegeıli qaıta quryp, onyń ashyqtyǵyn, tıimdiligin, adamǵa baǵyttalýyn birneshe ese arttyrý qajet. Sondyqtan qoldanystaǵy salalyq mınıstrlik negizinde Jasandy ıntellekt jáne sıfrlyq damý mınıstrligin qurýdy qajet dep sanaımyn", – dedi Prezıdent.