Búgin Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna joldaýyn jarıalady, - dep habarlaıdy Aqshamnews.kz tilshisi.
Prezıdent týrızm salasyndaǵy jaǵdaıdy jeke baqylaýynda ustap otyr. Buǵan deıin ol qazaqstandyqtardyń shaǵymdarynan keıin týrısik aımaqtarda tártip ornatýdy tapsyrǵan edi.
Memleket basshysy: «Jergilikti atqarýshy organdar árdaıym týrızm ınfraqurylymyn jan-jaqty damytýǵa basa mán berip, osy jumysqa jaýapty bolady»
«Taǵy bir mańyzdy másele, bul – týrızm. Jalpy, bul salada biraz túıtkildi másele bar. Shynyn aıtý kerek, kásibı kadrlar tapshy. Osy saladaǵy básekege qabiletimiz áli de shamaly.
Men shilde aıynda týrısik jerlerdiń barlyǵyn retke keltirý týraly tapsyrma berdim. Bul jumys meniń jeke baqylaýymda. Jurt jıi baratyn demalys oryndarynan bólek, bolashaǵy zor basqa da baǵyttardyń áleýetin arttyrý mańyzdy.
Mindetterdiń ara-jigin ajyratyp alǵan jón. Jergilikti atqarýshy organdar árdaıym týrızm ınfraqurylymyn jan-jaqty damytýǵa basa mán berip, osy jumysqa jaýapty bolady. Al shetelden týrıser tartý máselesi jáne otandyq týrızm saıasatyn zań turǵysynan qamtamasyz etý ortalyq organdardyń nazarynda bolady.
Osy oraıda, Almaty qalasy men Almaty oblysyndaǵy taý týrızmi men taý shańǵysy týrızmine arnaıy toqtalǵym keledi. Qazirgi tańda bul baǵyttaǵy eń ózekti másele – zamanaýı ınfraqurylym salý. Eger osy mindetti oıdaǵydaı oryndasaq, elimizdiń kýrorttary jer júzine tanylyp, Qazaqstannyń betke ustar ulttyq brendi bolmaq», -dedi Prezıdent óz sózinde.