Sarapshylar qatygezderdiń kórsetkishi 6%-ǵa óskenin aıtady.
Ótken jylmen salystyrǵanda, Qazaqstanda janýarlarǵa qatygezdikpen qaraıtyndar sany 6,5% ósip, ústimizdegi jyldyń alty aıynda quqyq qorǵaýshylar janaýarlarǵa qatygezdikpen qaraǵan 33 oqıǵany tirkegen, dep habarlaıdy Almaty-akshamy.kz Ranking.kz saıtyna silteme jasap.
Sonymen qatar, ústimizdegi jyldyń alty aıynda zańsyz ań aýlaýdyń 48 faktisi, balyq resýrstaryn, basqa sý janýarlary men ósimdikterin zańsyz alýdyń 132 faktisi, sırek kezdesetin jáne quryp ketý qaýpi tóngen, sondaı -aq tyıym salynǵan ósimdikter men janýarlardyń túrlerimen zańsyz aınalysýdyń 135 faktisi tirkelgen.
Munymen qosa ekologtar da zardap shekti. Máselen, bıyl janýarlar dúnıesin qorǵaý jónindegi memlekettik ınspektorǵa, janýarlar dúnıesin qorǵaý jónindegi mamandandyrylǵan uıym ınspektoryna, ańshyǵa qatysty 3 zorlyq-zombylyq oqıǵasy tirkelgen.
Respýblıka boıynsha janaýarlarǵa qatygezdikti kóp jaǵdaıda Almaty oblysynyń, astananyń jáne Shymkenttiń turǵyndary kórsetkeni anyqtalǵan. Ústimizdegi jyldyń basynan beri osy óńirdiń árqaısysynda osyndaı bes qylmystyq quqyq buzýshylyq tirkelgen.
Jaǵymsyz reıtıńtiń tórtinshi jáne besinshi joldaryn Almaty qalasy men Qaraǵandy oblysy aldy.
Esterińizge sala keteıik, Qazaqstanda zań jobasy ázirlengen bolatyn, bul qujat boıynsha janýarlarǵa qatygezdik kórsetkeni úshin naqty jaza alýǵa bolady, dep habarlaıdy zakon.kz.
Sonymen, buzaqylyq nıetpen ólimge nemese jaraqatqa ákep soqtyratyn aýyrtpalyqty týdyrǵan nemese ózimshil nıetpen janýarǵa qatygez qarym -qatynas jasaǵany úshin 2000 AEK-ke deıingi aıyppulmen, túzeý jumystarymen nemese qoǵamdyq jumystarǵa tartýmen jazalanady. 600 saǵatqa deıin nemese eki jylǵa deıin bas bostandyǵyn shekteý nemese sol merzimge bas bostandyǵynan aıyrý qarastyrylǵan.
