Koronavırýs ómirdiń barlyq salasyna kesirin tıgizip otyrǵany ras. Onyń ishinde eń ókinishtisi jáne saldary jaǵynan bolashaqqa qıyn tıetini – bilim salasynyń onlaınǵa kóshkeni boldy.
COVID-19 taralýyna jol bermeý jónindegi VAK-tyń málimetinshe, kovıdtik ahýaldaǵy álem elderiniń jaǵdaıy bir-birine uqsas. Qazaqstanda bir ǵana táýlikte 7 769 adamnyń koronavırýspen aýyrǵany PTR arqyly rastaldy, dep habarlaıdy Almaty-akshamy.kz
Qytaı bıligi koronavırýsqa baılanysty oqý jylynyń bastalýyn keıinge qaldyrýy múmkin. Sınhýa agenttiginiń málimetinshe, mektep basshylary men jergilikti basqarý organdaryna jaǵdaıdyń órbýine baılanysty barlyq múmkin senarılerge muqıat daıyndalýǵa nusqaý berilgen.
Amerıka ákimshiligi syrttan kelgen barlyq sheteldikterden tolyq vaksınalanýyn talap etetin is-sharalar keshenin ázirlep jatyr. Bul týraly sársenbide Aq úıdiń ókili Reuters agenttigi habarlady.
Birqatar elderde koronavırýspen aýyratyndardyń sany boıynsha antırekordtar anyqtaldy: Malaızıada 20 596 jaǵdaı, Japonıada 14 211 jaǵdaı, Ózbekstanda 951 jaǵdaı anyqtaldy. Sonymen qatar, Tokıoda 5 042 jaǵdaı tirkeldi.
Reseılik «Epıvakkorona» vaksınasynyń tıimdiligi ekpe saldyrǵannan keıingi 42-kúni shamamen 80% qurady. Koronavırýsqa qarsy IgG antıdeneleri aralyq klınıkalyq zertteýler kezinde eriktilerdiń 79%-ynda anyqtaldy. Táýelsiz tekserýge 2 999 adam qatysty. Zertteýdiń aldyn ala nátıjeleri vaksınanyń ımmýnologıalyq tıimdiligin kórsetedi. «EpıVakKorona» - «Vektor» memlekettik ǵylymı ortalyǵy peptıdtik platformada jasaǵan vaksına.
Ýkraına azamattary koronavırýs ınfeksıasyna qarsy Pfizer jáne Moderna-ny tańdaıdy. Ótken táýlikte ýkraındyqtardyń vaksınalaý boıynsha rekordtyq sany tirkeldi – 159 121 adam: 95 690 birinshi dozasyn alsa, ekinshi komponentin 63 431 adam saldyrǵan. Qazirgi ýaqytta bul elde COVID-19 vaksınalarynyń 4 túri qoldanylady - Pfizer/BioNTech, Moderna, CoronaVac, AstraZeneca. Alǵashqy eki túri eń kóp tańdaýǵa ıe boldy. Immýndaý naýqany bastalǵannan beri 6 070 323 ekpe jasaldy. 3 855 095 adam birinshi dozamen, 2 215 230 ekinshi dozamen vaksınalandy.
Álem 200 mln-dyq mejege jetti . Bir apta buryn Djons Hopkıns ýnıversıteti KVI ınfeksıasy týraly jasaǵan boljamyna álem birneshe kúnde-aq jetti. Statısıkaǵa sáıkes, anyqtalǵan COVID-19 epızodtarynyń jalpy sany 200 014 602-di qurady, epıdemıadan zardap shekkender sany - 4 252 873 adam.
AQSH-ta vırýs juqtyrý boıynsha 35 292 721 jaǵdaı anyqtaldy jáne 614 666 adam qaıtys boldy, bul álemdegi eń joǵary kórsetkish. Odan keıin 31 769 132 derekpen Úndistan ekinshi orynda tur. Alǵashqy úshtiktegi taǵy bir el - Brazılıada 19 985 817 jaǵdaı oryn alǵan. 4 mln jáne odan da joǵary kórsetkish Reseı, Fransıa, Ulybrıtanıa, Túrkıa, Argentına, Kolýmbıa, Ispanıa, Italıa jáne Iranda tirkeldi. Vaksına almaǵan adamdar kóz jumýdyń joǵary qaýpi bar táýekel tobynda.
Latvıada maýsym aıynda qaıtys bolǵandardyń 99,2%-i COVID-19 saldarynan kóz jumǵan, onyń 117-si - vaksına saldyrmaǵandar. Basqalary ekpe kýrsyn tolyǵymen aıaqtamaǵan. COVID-19 boıynsha aýyr asqynýlarmen aýrýhanaǵa túskenderdiń basym kópshiligi - sozylmaly aýrýlary bar egde jastaǵy naýqastar. Latvıanyń aýrýlardyń aldyn alý jáne baqylaý ortalyǵy COVID-19 vaksınasynan ótken adamdar arasynda vırýsqa shaldyǵý derekteri az tirkeletindigin, al juqtyrǵan jaǵdaıda aýrý jeńil túrde júretindigin jáne sırek jaǵdaılarda stasıonarlyq em talap etiletindigi týraly málimdedi.