Úkimet pen Dúnıejúzilik janýarlar densaýlyǵy uıymy arasyndaǵy kelisimdi júzege asyrý aıasynda, ASHM VBjQK 2025 jylǵa veterınarıalyq qyzmettiń sımýlásıalyq oqý-jattyǵýlarynyń josparyn ázirledi.
Osy josparǵa sáıkes, 18 asa qaýipti aýyrýlar oshaqtaryna qarsy is-qımyl boıynsha oqý-jattyǵýlar jyl boıy júrgiziledi, dep habarlaıdy aqshamnews.kz ASHM-ge silteme jasap.
Sondaı-aq, Qazaqstannyń 16 oblysyndaǵy veterınarlyq baqylaý beketterinde ımport, eksport jáne tranzıt rásimderin júrgizý kezinde veterınarlyq baqylaý boıynsha sımýlásıalyq oqý-jattyǵýlar josparlanǵan.
Osyǵan baılanysty Túrkistan oblysynda sibir jarasy boıynsha oqý-jattyǵýlary ótkizildi, oǵan 70 veterınarıalyq qyzmetker qatysyp, 14-ten astam arnaıy kólik birligi paıdalanyldy. Oqý-jattyǵýlar barysynda qyzmetterdiń vedomstvoaralyq ózara is-qımyl, dıagnostıka, aqparattandyrý, lokalızasıalaý, joıý jáne ınfeksıalyq aýrýdyń aldyn alý máseleleri pysyqtaldy. Sondaı-aq, oblystyq jáne aýdandyq veterınarıalyq qyzmet bólimsheleriniń tótenshe jaǵdaıdyń saldaryn joıýǵa daıyndyǵy tekserildi.
Oqý-jattyǵýlarǵa qatysýshylar qolaısyz pýnkttiń shekarasyn belgileýdi, aýrý oshaǵynda joıý is-sharalaryn júrgizýdi, táýekel aımaǵynda aldyn alý is-sharalaryn iske asyrýdy qosa alǵanda, dala jumysynyń daǵdylaryn kórsetti.
Dúnıejúzilik janýarlar densaýlyǵy uıymynyń usynystaryna sáıkes sibir jarasy oshaǵy paıda bolǵan jaǵdaıda veterınarlyq qyzmettiń jedel áreket etýge daıyndyǵy rastaldy.
Osyndaı oqý-jattyǵýlar Qazaqstannyń barlyq óńirinde ótkiziletin bolady.